[ 6 ]
O God Fat oba, du gonob
Su lifaveg tlepik, begob
Kodolös dat oisagob
«Paidunomös vil ola».
In fät e gol oba dagik,
Mekolös obi takedik,
So obekob me vög fimik
«Paidunomös vil ola».
Du lügob in glif soalik,
Plo flens divik neplisenik;
Äisagoböv de lad klödik
«Paidunomös vil ola».
Ven obüdol obe givön
Keli löfob — mütob tikön
Te gegivob ole — mütob sagön
«Paidunomös vil ola».
Ladi fenik tepik obik
Fulolös ko tikäl olik;
Ed osenob in spel fulik
«Paidunomös vil ola».
O jafolös vili oba
Aibinön äs vil ola
[ 7 ]
Tän oplekob in vöds löfa
«Paidunomös vil ola».
