ಪಂಗಡಗಾವಡ್ ಅಧಿಪತ್ಯ ಇಜ್ಜಿ. ವ್ಯಾಕರಣ ನಿಯಮ ಸರಳವಾದಿತ್ತಿನ ಭಾಷೆ ಸಂಪೂರ್ಣ ಸ್ವಾತಂತ್ರ್ಯದ ಹಕ್ಕನ್ ಪಡೆತೊಂಬುಂಡು. 1.54 ಈ ರೀತಿಡ್ ವ್ಯಾಕರಣನೇ ಭಾಷೆದ ಮೂಲಸ್ವರೂಪ ಆದ್, ವ್ಯಾಕರಣದ ರೀತಿದ ಮಿತ್ತ್ ಭಾಷಾಶಾಸ್ತ್ರಜ್ಞೆ ಭಾಷೆಲೆನ್ ಮುಖ್ಯ ಐನ್ ವರ್ಗ ಮಳೆ, ಇಂದಕುಳೆಗ್ (೧) ಪ್ರತ್ಯೇಕಿಕ (೨) ಸಮುಚ್ಚಾಕ (೩) ಪ್ರಾತ್ಯಕ (೪) ಬಹುಪದಯುಕ್ತ ಬೊಕ (೫) ಅಂತರ್ಗಮಕ ಭಾಷೆಲು ಇಂದ್ ಪುದರ್ ವೀಯರ್‌, ಇಂದೆಕುಳೆನ್ ಗುಣಸ್ವಭಾವ (ಇನ್ನಗ) ವ್ಯಾಕರಣ ನೀತಿ ದಾನೆ ಇಂದ್ದ್ ತೂಕಾ:- (೧). ಪ್ರತ್ಯೇಕಿಕ (isolative):- ಇನ್ನಿನವೇ ಒಂಜಿ ಪ್ರತ್ಯೇಕ ವಿಧತವು. ಇಂದೆಟ್ ಮುಖ್ಯವಾದ್ ಚೀನದ ಭಾಷೆ ಸೇರುಂಡು, ಶಬ್ದಲೆಗ್ ಆಜೇಟ್ ಅರ್ಥ ಇಪ್ಪುನವುಲಾ, ಸದಲು ವಾಕ್ಕೊಡು ಇಪ್ಪುನ ಜಾಗದ ಫಲವಾದ್ ಅಕುಳೆಗ್ ಅರ್ಥ ಬರ್ಪಿನವುಲಾ ಇಂದೆತ ಸ್ವರೂಪವಾಂಡ, ಕ್ರಿಯಾಪದಲು ಕರ್ತೃ, ಕರ್ಮಪದತ ನಡುಟು ಬರ್ಪಿನವು ಈ ಭಾಷಾವರ್ಗದ ವ್ಯಾಕರಣ ನೀತಿ. (೨) ಸಮುಚ್ಛಾಬಕ (agglutinative):- ಇಂದ್ ನಮ ತುಳುವ ಪಾತೆರೊದು ಸಂಬಂಧವಿಪ್ಪುನ ದ್ರಾವಿಡ ವ್ಯಾಕರಣ ರಚನೆದವು. ಅಂತ ರೂಪರಚನೆನ್ ಪ್ರತ್ಯೇಕವಾದ್ ನಂತ್ರದ ಪರಿಚ್ಛೇದೊಡು ಪಿನ್ನಾವರೆಗುಂಡು. (೩).ಪ್ರಾತ್ಯಂಬಕ (inflectional):-ಇಂದೆಟ್ ಇಂಡೋ-ಯುರೋಪಿಯನ್ ಬೊಕ ಸೆಮೆನಿಕ್ ಭಾಷೆಲು ಸೇರುವಾ. ಉದಾ: ಸಂಸ್ಕೃತದ ಅಕ್ಕಿ ಗ್ ಗೊಥಿಕದ ಇಮ್ ತುಲನೆ ಮತ್ತೊಅ ಶಬ್ದ ರಚನೆಡ್. (೪).ಬಹುಪದಯುಕ್ತ (polysynthetic):- ಇಂದೆಟ್ ಪದ ಪದಲು ಒಂಜೆಕ್ಕೊಂಜಿ ಸೇರ್ ವಾಕ್ಕೊಗು ವಿಶಿಷ್ಟ ಅರ್ಥ ಬರ್ಪಿನವಾಂಡಲಾ, ಅಂಚಿನ ವಾಕ್ಯಲೆಡ್ ಎದ್ದು ಎನ್ನು ಪದಲು ಸೇರ್ ಇಂದ್ದ್ ತೋಲಿಕೆಗ್ ತಿಕ್ಕುಜಾ. ಈ (೫).ಅಂತರ್ಗಮಕ (incorporating):- ಬಹುಪದಯುಕ್ತದಂಚನೆ ಆದ್ ವಾಕ್ಯದ ಪದಲು ಒಂಜೆಕ್ಕೊಂಜಿ ಸೇರ್ ಅಕುಳನ ರೂಪ ಉಳಾಯಿಡ್ಡೆ ಬದಲಾ ಪದ ವಿಶ್ಲೇಷಣೆ ಮಾಳ್ವುವವೇ ಕಷ್ಟವಾಪುಂಡು. ಅಂತರ್ಗಮಕ ವರ್ಗದ ಭಾಷೆಲೆಗ್‌ಲಾ, ಬಹುಪದಯುಕ್ತ ಭಾಷೆಲೆಗ್‌ಲಾ ವ್ಯತ್ಯಾಸ ಬಿಂಜ ಇಜ್ಜಿ. ಈ ವರ್ಗೊಡು ಬಾಲ್ಟ್ ಇನ್ನಿ ಭಾಷೆ ಸೇರುಂಡು. 1.55 ಭಾರತದ ಭಾಷೆಲೆಡ್ ಅಥವಾ ನಮ ತುಳುವ ಅಧ್ಯಯನೊಗು ಅಗತ್ಯ ವಿಪ್ಪುನವು ಸಮುಚ್ಛಾಕ ಬೊಕ ಪ್ರಾತ್ಯಕ ವರ್ಗದವು. ಇನ್ನಗ ದ್ರಾವಿಡ ವರ್ಗದವು ಬೆತ್ ಸಂಸ್ಕೃತ ವರ್ಗದವು. ಈ ರಡ್ ವರ್ಗಲೆಡ್ ವ್ಯತ್ಯಾಸ ಈತೆ: ಉದಾ: ತುಳುಟು ರಾಮ ಕ ಕುಡಾಲಿ ಮರ. ಇನ್ಸಿ ಸದಲೆಗ್ ಸರಿಯಾದಿಪ್ಪುನ ಪ್ರತ್ಯಯ ಪತ್ತ್ದ್, ರಾಮ 45 ಬುಧಾನಂದ ಶಿವಳ್ಳಿ
