ಅಂದ, ಚೆಂದ, ಪೊರ್ಲು , ಇನಿಪು, ತೀಪೆ, ಮಧುರ, ಸೊಗಸು- ಜನಮಾನಿ
ಏತ್ಕೊರ್ತೆರೋ ಆತೇ ಇಪ್ಪು. ಅಂತೂ ಸಂಪರ್ಕ ಸಾಧನೆ ಮಾತ್ರ
ಸಮಪರ್ಕವಾದ್ ನಡಪುಡ್ನವೇ ಆ ಜನಮಾನಿನ ಪಾತೆರೊ ಆಪಿನವು
ಸಹಜ. ಎಂಚನ್ನಗ, ಮೊಟಾರ್ ಕಾರ್ ಫೋವಂದಿನ ಜಾಗಲೆಡ್
ನರಮಾನಿ ಕುದುರೆದ ಮಿತ್ತ್ , ಬೋರಿದ ಗಾಡಿದ ಮಿತ್ತ್ ದಾಲ ತಿಕ್ಕಂದೆ (ಆ
ಊರುಡು ಕತ್ತೆ ಕೂಡಾ ಇತ್ತ್ ಜಿಡ) ನಡತ್ತೊಂದು ಆಂಡಲಾ
ಪೊವೊಡಾಪುಂಡತ್ತ? ಸೌಕರ್ಯ ಸೌಲಭ್ಯ ಆಕಾಂಕ್ಷಿಯಾಯಿನ
ನರಮಾನಿ,ಮೋಟಾರ್ ಪೋಪಿನ ಹೆದ್ದಾರಿ ಮಳ್ತದ್, ಆಯೆಡೆಗೊಂಜಿ ಬಸ್ಸ್
ಸರ್ವಿಸ್ ಪಾಡ್ಪಾದ್, ಸೌಕೊಡು ಮೊಟಾರ್ ಸವಾರಿ ಮಳ್ಪುನವೆನ್
ಹಾರೈಸುನವು, ಯೋಗ್ಯ ಭಾಷೆದ ಮುಖಾಂತರ ಸಮಾಜ ಸಮುದಾಯದ
ಒಟ್ಟುಗ್ ಸಂಪರ್ಕ ಪಡೆಪಿನ ಲೆಕ್ಕೊನೇ ಆದುಂಡು.
1.45 ನನ ಕೆಲವು ಕೃತಕ ಭಾಷೆಲು ಉದ್ಭವವಾಯಿನವುಲಾ ಉಂಡು.ಈ ಕೃತಕ ಭಾಷೆಲೆನ್ ಕೆಲವು ವಿದ್ವಾಂಸೆರ್ , ತಂಕುಳೆಗ್ ಎಡ್ಡೆ ಇಂದ್ ದ್ ತೆರಿನ ಶಬ್ದ ವಾಕ್ಯ ಪ್ರಯೋಗ ಮಾಳ್ತ್ ದ್ ಪುಸ ಭಾಷೆ ಇನ್ಪಿ ಅಂಕಿತೊಡು ಪ್ರಚಾರ ಮಾಳ್ತೆರ್. ಆಂಡ ಆ ಭಾಷೆಲೆನ್ ಪಾತೆರ್ಪಿನಕುಳು ಏರ್? ಪಾತೆರ್ಪಿ ಜನಮಾನಿ ತನ ಕಂಟೆಲ್, ಕಿರುನಾಳಿ , ನಾಲಾಯಿ , ಬಾಯಿ,ದಂತ ಇತ್ಯಾದಿಲೆನ ಸಹಾಯೊಡು ಉಚ್ಚಾರ ಮಳ್ಳರೆ.ಅರ್ಥ ಪಿನ್ನಾವರೆ ಆಲ್ಲ, ಆ ಉತ್ತಮ ಭಾಷೆ ಇಂದ್ ವಿದ್ವಾಂಸೆ ಕಣ್ಣಿನ ಪಾತೆರೊ ಸೇಂಟೆದಾಂತಿನ ಊರ ಲೆಕ್ಟ್ ಆದ್, ಕ್ರಮೇಣ ಮಾಜದ ಪೊಂಡು ಆ ಭಾಷೆ ಅಥವಾ ಆ ಒಂಜಿ ಕೃತಕ ಭಾಷೆಡ್ ಪಾಕ ಕೃತಕ ಭಾಷೆಲು ಉಂಡಾದ್, ಅಂಬಕುಳು ಮಾತಾ ಯೆಡ್ಡೆ ದಿನ ತೂದ್ ಮಾಯಕವಾಯ ತರೆದೆರ್ಪಂದಿನ ಲೆಕ್ಕೊ ಸಾರಾಂಶ ದಾನೆ ಇನ್ನಗ, ಸಮಾಜ ಸಮುದಾಯ ಬುಡಕಟ್ಟದಕುಳು ಸ್ವಾಭಾವಿಕ ಕಾರ್ಯನಿಮಿತ್ತವಾದ್ ಉಪಯೋಗ ಮಳ್ಳುವ ಉಚ್ಚಾರನೇ ಭಾಷೆ ಅತ್ತಾವಂದೆ, ಜನಮಾನಿಗ್ ತೆಲಯಂಬಿನ ಉಪಯೋಗವಾವಂದಿನ ಭಾಷೆಡ್ ಸ್ವಾಭಾವಿಕತೆ ಇಜ್ಜಾಂತೆ, ಆ ಭಾಷೆ- ಮರ್ಯಾಲದ ತೆಲ್ ಗೊರೆಸುವ ಸಮಯೊಡು ಮೂಡ್, ತೆಜಲ್ ಬರ್ಸ ಉಂತುನದುಂಬೆ ಮಾಯವಾಸಿನ ಲಾಂಬುದ ಲೆಕ್ಕೊ- ಕುರುಹುದಾಂತಿನಂಚ ಮಾಯವಾವಾ. ಒಂಬಂಬಿನ, 1.46 ಭಾಷೆ ಬಲಪುನಿ, ಬದಲಾಪಿನಿ ರಡ್ ಕಾರಜೊಲೆಡ್: [೧] ಅಂತರಿಕ, ಬೊಕ [೨] ಬಾಹ್ಯ. ಅಂತರಿಕ ಕಾರಡೊಡು ಜನಮಾನಿ ಸರಳತೆ, ಸ್ಪಷ್ಟತೆಗಾದ್ ಸುಲಭ ಉಚ್ಚಾರೊಗಾದ್ ಶಬ್ದನ್, ವಾಕ್ಯಲೆನ್ ಬದಲಾವಣೆ ಮಳ್ಳುವೆ. ಉದಾ: ನಾರಾಯಣೆ ಇನ್ನಿ ದೀರ್ಘ ಪದ ಚುಟುಕುದ ನಾಣೆ, ನಾನೆ, ನನ್ನೆ ಆಪುಂಡು. ಲಕ್ಷ್ಮೀ ನಾರಾಯಣೆ ನನಲಾ ಸುಲಭದ ಎಚ್ಚಣ್ಣ ಆಪೆ. ವಾಕ್ಯದ ಪ್ರಯೋಗೊಡು ತುಳುಟು ಬಿಂಜ, ಪಾಕ ಇಲ್ಲಿ ಶಬ್ದಲು ಇಪ್ಪುನವಾಂಡಲಾ, ಮಸ್ತ್ ಇನ್ಸಿ ಉರ್ದುಮೂಲದ ಪದ ಸಾಮಾನ್ಯ ರೂಢಿಡುಂಡು. ಇಂದೆಟ್ 37 ಬುಧಾನಂದ ಶಿವಳ್ಳಿ