ಮಾತೆರೆಗ್ ಓದರೆ, ಪರಾಮರ್ಶನ ಮಲ್ಲರೆ ತಿಕ್ಜಿ. ಉದಾಹರಣೆಗ್, ಬುಧಾನಂದ ಶಿವಳ್ಳಿಯ ೧೯೭೯-೮೦ದ ಅವನಿಡ್ ಮೈಸೂರುಡು ತನ್ನ ವ್ಯಾಕರಣ ಗ್ರಂಥೋನು ಬರೆನಗ ಪಣಿಯಾಡಿಯೆರೆನ ಗ್ರಂಥದ ಮಜನೆ ಉಲ್ಲೇಖೋಲೆನ್ ತವಿತ್ತೆರಲಾ, ಪಣಿಯಾಡಿ ಅರೆನ ವ್ಯಾಕರಣದ ಪ್ರತಿ ನೇರ ಪರಾಮರ್ಶೆಗ್ ಲಭ್ಯವಾವಿಜಿ. ಈ "ಎ" ಪದ್ಧತಿನ್ ಗೋವಿಂದ ಪೈ ಸ್ಮಾರಕ ಸಂಶೋಧನಾ ಕೇಂದ್ರದಕಲೆನ ತುಳು ನಿಘಂಟುಡುಲಾ ಬಳಕೆ ಮಲ್ತ್ಂಡ್, ಪಣಿಯಾಡಿಯ ಸಲಹೆ ಕೊರನಗ ಅಚ್ಚು ಮೊಳೆ ಜೋಡಿಸಾದ್ ಮುದ್ರಣ ಮಲ್ವುನ ವ್ಯವಸ್ಥೆ ಇತ್ತ್ಂಡ್, ತುಳು ನಿಘಂಟು ಮಲ್ಪುನಗ ಗಣಕ ಪದ್ಧತಿ ರೂಡಿಕ್ ಬತ್ತಿನಿತ್ಂಡ್ಲಾ, ಲಭ್ಯವಿತ್ತಿನ ಕನ್ನಡಾಕ್ಷರ ಗಣಕ ತಂತ್ರಾಂಶೆಲೆಡ್ ಎ, ಒ, "ಬೇತೆ" ಇತ್ಯಾವಿ ಮಲ್ಲರೆ ಬಂಗವಾಯಿನ ಕಾರಣ ವಿಶೇಷ ತಂತ್ರಾಂಶೇನು ಸಿದ್ಧ ಮಲ್ಲೊಂಡೆ ಇಂದ್ ಪ್ರಸ್ತಾವನೆಡ್ ತೆರಿಪಾವರ್. ಈ ತಂತ್ರಾಂಶದ ಸಮಸ್ಯೆ ನನಲಾ ಪರಿಹಾರವಾತಿಜಿ. ಫಲಿತಾಂಶವಾದ್, ಸಾಮಾನ್ಯ ತುಳು ಪ್ರಕಟನೆಲೆಡ್ ಈ ಅಡ್ಡಾಕ್ಷರೊಲೆನ್ ಬರೆಪಿನ ಸೂಚಿಸಾವುನ ಪದ್ಧತಿನ್ ಏಲಾ ಮಲ್ಲೊಂದಿಜ್ಜೆರ್. 9.2 ಗಣಕ ಅಏಶೈಲಿ ವಿಶ್ವದ ಮೂಲೆ ಮೂಲೆಲೆಡ್ ಆಲೆಕ್ಕನೇ ಕನ್ನಡೊಡು ತುಳುಟು ಅಚ್ಚು ಮೊಳೆ ಜೋಡಣೆದ ಮುದ್ರಣದ ಪರಸ್ಥಿತಿ ಕರಿದ್, ಗಣಕ ತಂತ್ರಜ್ಞಾನದ ಯುಗೊಟು ಮೇಜಿದ ಮತ್ತೆ ಮುದ್ರಣಕ್ರಿಯೆ ಸಿದ್ಧಮಲ್ಲನ ಪರಿಸ್ಥಿತಿ ಬೈದ್ಂಡ್. ಕನ್ನಡೊಡು ಬರಹ, ಬೊಕ ನುಡಿ -ಇಂಚಿನ ತಂತ್ರಾಂಶೂಲು ಉಚಿತವಾದ್ ಬತ್ತಿನ ಕಾರಣ ಕಚೇರಿಲೆಡ್, ಗಣಕ (ಕಂಪ್ಯೂಟರ್) ಬಳಕೆ ಮಲ್ಲುನ ಶ್ರೀ ಸಾಮಾನ್ಯಾ ಇಂಗ್ಲೀಷಿದ ಬದಲ್ ಕನ್ನಡ ಬಳಕೆ ಮಲ್ಪರೆ ಸುಲಭವಾದ್ ಅನುವಾಂಡ್, ಬರಹ ತಂತ್ರಾಂಶನು ರಚನೆ ಮತ್ತಿನ ಶೇಷಾದ್ರಿ ವಾಸು ಇನ್ಸಿನಾರ್ ಕನ್ನಡದ ಮಿತ್ ಪ್ರೀತಿಡ್ ಅನಕೃ ಅಂಚಿನ ಸಾಹಿತಿಲೆನ ನೆನಪುಗು ಈ ತಂತ್ರಾಂಶೇನು ಉಚಿತವಾದ್ ಜನಸಾಮಾನ್ಯರೆಗ್ ತಿಕ್ಕುಲೆಕ್ಕ ಮಲ್ಲೆರ್, ಕಲಿನ ವರ್ಸೊಲೆಡ್ ಬರಹ ತಂತ್ರಾಂಶ ಅನೇಕ ಸುಧಾರಣೆಲಾದ್ ಇತ್ತೆ ಏನನೆ ಅವತರಣಿಕೆಡ್ ಉಂಡು. ಅಂಚನೆ, ಕರ್ನಾಟಕ ಸರಕಾರದ ಗಣಕ ಪರಿಷತ್ತು ಸಿದ್ಧಮಂದಿನ "ನುಡಿ" ಉಚಿತ ತಂತ್ರಾಂಶ ನಾಲನೆ ಆವೃತ್ತಿಡ್ಡೆ ಉಂಡು ಈ ರಡ್ಡೆ ಉಚಿತ ತಂತ್ರಾಂಶೋಲು ತುಳುವೆರೆಗ್ಲಾ ಬರೆವರೆ ಓದರೆ ಪ್ರಕಟ ಮಲ್ಪರೆ ಸಹಕಾರಿಯಾದುಳ್ಳ ಉದಾಹರಣೆಗ್ ಈ ಈ ಕೃತಿನ್ ಯಾನ್ ಸಂಪೂರ್ಣವಾದ್ ಬರಹ-೫೦ ತಂತ್ರಾಂಶಡು ಸಿದ್ಧ ಮಲ್ತದೆ. ಕನ್ನಡೊಗಾದ್ ರಚನೆಯಾತಿನ ಬರಪ ತಂತ್ರಾಂಶಡು "ಬೇತೆ" ಇನ್ನಿನಂಚಿನ ಅಕ್ಷರೊಲೆನ್ ಕೂಡಿಸಾವರೆ ಸಾಧ್ಯ ಅಪೂಂಡು ಇಂದ್ ಮುಲ್ಪ ತೋಜಾದೆ. ಅಂಥಾ ಅಯಿಕಾತ್ರಾ ವಂತೆ, ವಿಶೇಷ ಸರ್ಕಸ್ ಮಲ್ಲೊಡಾಪುಂಡು, ತುಳುಕು ಸಹಜವಾಯಿನ ಒಂಜಿ ಜನಸ್ನೇಹಿ ಉಚಿತ ತಂತ್ರಾಂಶ ರಚನೆ ಮಲ್ಪುನ ಅಗತ್ಯವುಂಡು ತುಳು ನಿಘಂಟು ಸಮಿತಿದಕುಲು ಅಂಚಿನ ತಂತ್ರಾಂಶ ರಚನೆ ಮಲ್ಪಾದೆಲ್ಲ ಅವೆನ್ ತುಳು ಜನಸಾಮಾನ್ಯರೆನ ಉಚಿತ ಬಳಕೆಗ್ ಬುಡುಗಡೆ ಮಬ್ಬುನ ಅಗತ್ಯ ಉಂಡು. ಪಠ್ಯಾಯವಾದ್, ಅರ್ಧ ಸುರು(*) ಕೈಬರವಣಿಗೆಡ್ ಅನಗತ್ಯ ಬುಡ್ಡೆ ಬುಡೋಳಿ ಇನ್ನಿ ಸೂಚನೆ ಉಪ್ಪುನಗ, ತುಳುತ ಅರ್ಧಸ್ವರ ಸೂಚನೆಗ್ ಸರಳ ಹುಳು ಸಾಹರೂ 362
Page:Tulu Patero 2017bmr.pdf/363
Appearance