ಇಂದೆಕ್ ಒಂಜಿ ಕಾರಣ ದೇಶ ವಿದೇಶದ ಜನಮಾನಿ ಭಾಷೆ ಇನ್ಪಿನವು
ದೈವದತ್ತವಾದಿತ್ತಿನವು ಇಂದ್ ದ್ ಸ್ಥಿರವಾದ್ ನಂಬುದಿತ್ತೆರ್. ಕ್ರಿಶ್ಚನ್ ಬೈಬಲ್ಡ್
ಕೂಡಾ ಇಂದೇ ಅಭಿಪ್ರಾಯ ತೆರಿದ್ ಬರ್ಪುಂಡು. ನಂಮ ದೇಸೊಡು
ಸಂಸ್ಕೃತ ಉತ್ತಮ ಸ್ಥಿತಿತ ಭಾಷೆ ಅದುಪ್ಪರೆ ಕೂಡಾ ದೇವರೇ ಅವೆನ್
ಉಂಡು ಮಳ್ತಿನಿ ಇಂದ್ ದೃಢವಾದ್ ನಂಬುದಿತ್ತೆರ್. ಸಂಸ್ಕೃತ ದೇವಭಾಷೆ
ಇಂದ್ ದ್ ಅವೆನ್ ಶೂದ್ರೆರ್ , ಪೊಣ್ಣುಜೇವುಲು ಕಲ್ಪರೆ ಅವಂದ್ ಇನ್ಪಿ
ನಿರ್ಬಂಧಲಾ ಇತ್ತಂಡ್.
ಪದಿನೇಳನೇ ಶತಮಾನದ ಭಟ್ಟಾಕಳಂಕನ ಪ್ರಕಾರ ಈ ಭಾಷೆ
ಪರಮಾತ್ಮಡ್ದ್ ಪುಟ್ಟಿನವು, ಅವೆನ್ ಸಾಧಿಪೆರೆಗ್ ಆಯೆ ಮಳ್ತಿನ ಯತ್ನ
ಆತ್‌ಈತ್ ಅತ್ತ್ , ದೇವೆರೇ ಭಾಷೆನ್ ಉಂಡು ಮಳ್ತಿನವಾಂಡ ಈ
ಭಾಷೆಲೆಡ್ ಇನ್ನಗ, ಸಂಸ್ಕೃತ, ಪ್ರಾಕೃತ, ದ್ರಾವಿಡ ಭಾಷೆಲೆಡ್ ಇಪ್ಪುನ
ಪಲಭೇಧ ದಾಯೆಗಿನ್ನಗ, ಆಯೆ ಪಣ್ತೆ : "ಬಾನೊಡ್ದ್ ಬರ್ಸ ನೀರ್ ಭೂಮಿಗ್
ಬೂರುಂಡ್. ಆಂಡ ಒಂಜಿ ಕಡೆಟ್ ಅವು ಲವಣ.ನನ ಒಂಜೆಟ್ ತೀಪೆ.
ಬೊಕೊ೦ಜಿ ಕಡೆಟ್ ಒಗರಾಪುನ ಲೆಕ್ಕೊ ದೇವದತ್ತವಾದುಪ್ಪುನ ಭಾಷೆ
ಇಂಚನೇ ಪರಿಭೇದ ತಾಳೊಂದು ಉಂಡು" ಇಂದ್‌ದ್‌.
ಜನಮಾನಿನ ಧಾರ್ಮಿಕ ಶೃದ್ಧೆಡ್ ಕುರುಡು ನಂಬಿಕೆಲು ಭಾರತೊಡು
ವಿಪರೀತವಾದ್, ವೈಜ್ಞಾನಿಕ ದೃಷ್ಟಿಗ್ ತೊಡಕಾದಿತ್ತಿಂಡ್. ಅದಗ, ವಿಜ್ಞಾನ
ಬಲತ್ತೊಂದು ಬತ್ತಿದಿನ ಪಾಶ್ಚಿಮಾತ್ಯ ದೇಶೂಲೆಡ್ ಭಾಷೆದ ಮಿತ್ತ್ ವಿಜ್ಞಾನದ
ದೃಷ್ಟಿ ಪೋವಂದೆ ಇತ್ತಿನವು ಆಶ್ಚರ್ಯ. ಇನ್ನಗ ಜನಮಾನಿನ ಜೀವನೊಡು
ಭಾಷೆ ಮುಖ್ಯ ಪಾತ್ರ ವಹಿಸೊಂದು ಇತ್ತ್ಂಡಲಾ, ಅಕುಳೆಗ್
ಬೋಡಾಯಿನಾತ್‌ ಕೆಲಸ-ಕಾರ್ಯಲು ಆ ಭಾಷೆಡ್ ತಿಕ್ಕುನಂಚಿನವಾದ್,
ಭಾಷಾಧ್ಯಯನ, ಶಾಸ್ತ್ರೀಯ ಶೋಧನೆದ ಮಿತ್ತ್ ಅಕುಳೆನ ಗಮನ
ಪೋಯಿನಿ ಪಾಣಿನಿನ (ಕ್ರಿ.ಪೂ ೫೨೦) ಸಂಸ್ಕೃತ ವ್ಯಾಕರಣೋನು
ಪಾಶ್ಚಿಮಾತ್ಯ ವಿದ್ವಾಂಸೆರ್ ಅಧ್ಯಯನ ಮಳ್ತಿನಪಗ, ಈ ವ್ಯಾಕರಣ ಶಾಸ್ತ್ರ
ಯೂರೋಪದ ಸಾಂಪ್ರದಾಯಿಕ ವ್ಯಾಕರಣೊಡ್ದ್
ಭಿನ್ನವಾದಿತ್ತಿದ್, ಧ್ವನಿಮಾ
ಶಾಸ್ತ್ರ, ಪ್ರತ್ಯಯದ ಆಕೃತಿಮಾ ಶಾಸ್ತ್ರ ಇತ್ಯಾದಿ ಸಂಗತಿಲೆಡ್ ಭಾಷಾಶಾಸ್ತ್ರದ
ವೈಜ್ಞಾನಿಕ ಗೊತ್ತು ಇಪ್ಪುನವೆನ್ ತೆರಿದ್, ಪಾಶ್ಚಿಮಾತ್ಯ ದೇಶೂಲೆಡ್,
ಭಾಷಾಶಾಸ್ತ್ರದ ಅಧ್ಯಯನದ ಮಿತ್ತ್ ದಿಂಜ ಕುತೂಹಲ ಲಕ್ಕ್oಡ್ , ಈ
ಕುತೂಹಲೊಟು ತೆರಿದ್ ಬತ್ತಿನ ಒಂಜಿ ವಿಷಯ: ಭಾರತದ ಸಂಸ್ಕೃತ
ಭಾಷೆಗ್‌ಲಾ , ಯುರೋಪದ ಅನೇಕ ಭಾಷೆಲೆಗ್‌ಲಾ ತೋಜುನ ಸಾಮ್ಯತೆ.
1.32 ಸಂಸ್ಕೃತ, ಲ್ಯಾಟಿನ್, ಗ್ರೀಕ್- ಇತಿಹಾಸ ಪೂರ್ವದ ಒಂಜೆ ಭಾಷೆದ
ಅಂಶಲು ಇಂದ್ ಸುರುಟು ತೆಲಿಪಾನಾರ್‌ ವಿಲಿಯಂ ಜೋನ್ಸ್ (ಕ್ರಿ.ಶ.
೧೭೪೬-೧೭೯೪). ಇಂಬೆರೆನ ಕಥೆಲಾ ಸ್ವಾರಸ್ಯದವು: ಜೋನ್ಸ್ ಕಾಯಿದೆ
ಕಲ್ತಿನಾರ್, ಭಾರತೊಡು ನ್ಯಾಯಮೂರ್ತಿಯಾದ್ ಪತ್ತೊಂಜಿ ವರ್ಷ ಸೇವೆ
ಮಳ್ತೆರ್ . ಆರೆನ ಆಯುಷ್ಯದ ಕಡೆತ ಒರುಂಬ ವರ್ಸೊಡು, ದಂಗೊಂದು
