ಅಭಿಮಾನವೆ ತನ್ನ ಆಸೆ, ಬಯಕೆ, ಒಲವು, ಪ್ರೀತಿ, ಅನುಭವ, ಅಭಿಪ್ರಾಯ,
ಸಂತೋಷ, ಕಳವಳ, ಚಿಂತೆ, ಭಯ, ಕೃತಜ್ಞತೆ, ಪ್ರಾರ್ಥನೆ ಇತ್ಯಾದಿ
ಮನಸ್ಸಿಡ್ ಮೂಡ್ದ್ ಬರ್ಪಿನ ಕ್ರಿಯಾಶಕ್ತಿನ್ ತೆರಿಪಾವೊಂದು, ಆಯ‌ಗ್
ಬೋಡಾಯಿನ ಕಾರ್ಯರೂಪೊಲೆನ್ ಅನುಭವಿಸೊಂದು ಬತ್ತಿನಿ ಪಾತೆರೊದ
ಮೂಲಕ. ಇನ್ನಗ, ಮನಸ್ಸಿದ ಕ್ರಿಯಾಶಕ್ತಿನ್, ತನ ಬಾಯಿ ಗಂಟೆಲ್,
ನಾಲಾಯಿದ ಮೂಲಕ ಧ್ವನಿರೂಪೊಗು ಕನತ್ತ್ದ್, ನನ ಒರಿಯನ ಕೆಬಿಕ್
ಕೇಣ್ಬಿನ ಲೆಕ್ಕೊ ಉಚ್ಚಾರ ಮಾಳ್ತೊಂದು ಬತ್ತ್ ದ್ , ಪ್ರಪಂಚದ ಎಳ್ಯ ಮಲ್ಲ
ಕಾರ್ಯಲು ನಡತ್ತೊಂದು ಬೈದಾ, ಜನಮಾನಿನ ಸಂಪರ್ಕ ಹೆಚ್ಚಾಯಿ ಲೆಕ್ಕೂ
ಆಯನ ಪಾತೆರೊ ಚಿಗುರೊಂದು ವಿಸ್ತಾರವಾವೊಂದು ಬತ್ತ್ಂಡ್. ಕ್ರಮೇಣ
ಜನಮಾನಿನ ಜೀವನೊಡು ಭಾಷೆ ಏತೊಂಜಿ ಸ್ವಾಭಾವಿಕವಾಂಡ್ ಇನ್ನಗ,
ನಮ ಸಾದಿಡ್ ದುಂಬು ತೂವೊಂದು ನಡಪೊಂದು ಇಪ್ಪುನಗ
ಉಸುಲುದೆಪ್ಪುನವುನೇ ಗೋಷ್ಠಿ ಮಾಳ್ಪಂದಿನಂಚ, ಭಾಷೆದ ವಿಷಯ ಗಮನ
ಕೊರಂದೆ ಪೋಪಿನವಾಂಡ್.
1.11 ಮಾನವನ ಜೀವನ ಶಾರೀರಿಕವಾದ್ ಸ್ಥುಲರೂಪೊಡು
ಪ್ರಾಣಿನೆಲಂಚನೇ ನಡಪುಂಡು. ನರಮಾನಿಗಲಾ ಪ್ರಾಣಿಲೆಗ್ಲಾ ಇಪ್ಪುನ ಮುಖ್ಯ
ವ್ಯತ್ಯಾಸ
ಪ್ರಾಣಿಲೆಡ್ ಕೆಲವಂತೂ ಚುರುಕಾದ್
ಸಂಘಜೀವಿಲಾದ್, ಅದ್ಭುತ ಕೆಲಸೊಲೆನ್ ಮಾಳ್ಪುವಾ. ಉದಾ: ತಿಗತ
ಕಿಲಂಜಿ, ಪಿಜಿನ್ ಇತ್ಯಾದಿ , ಆಹಾರ ಸಂಪಾದನೆ, ಗೂಡು ಕಟ್ಟುನ , ಕಿನ್ನಿಲೆನ್
ತಾಂಕುನ, ಕೆಲಸೊಲೆನ್ ಸಂಘಶಕ್ತಿಡ್, ಉತ್ಸಾಹಪೂರ್ಣವಾದ್,
ಸುಸೂತ್ರವಾದ್, ಮಳ್ಪರೆಗ್ ಅಯಿಕುಳು ಒಂಜೆಕೊ೦ಜಿ ನಿರ್ದಿಷ್ಟ ಸಂಜ್ಞೆಲ
ಮೂಲಕ ತೆಲಿಪಾವಾ
ಈ ಸಂಜ್ಞೆಲೇ ಭಾಷೆದ ಮೂಲರೂಪ. ಕಂಠಶಕ್ತಿ ಇಪ್ಪುನ ನರಮಾನಿ ಈ
ಸಂಜ್ಞೆಲೆನ್, ಸ್ವರ ದನಿತ ಮುಖಾಂತರ ಒರಿಯಗೊರಿ ಪಿನ್ಪಾವೆ. ಈ
ಕಂಠಶಕ್ತಿ ಅಥವಾ ಪಾತೆರೊದ ಸೌಲಭ್ಯ ನರಮಾನಿಗ್
ಪ್ರಕೃತಿದತ್ತವಾದಿತ್ತಿನವು. ಆಯೆ ಒಂಜೆ ದೂರ ಸಾಗದ್ , ಕೋಕಿಲೆದ ಲೆಕ್ಕೊ
ಸುಶ್ರಾವ್ಯ ಸ್ವರಲೆನ್ ಅನುಕರಣೆ ಮಳ್ತ್ ದ್ , ಈ ಸ್ವರ ಜೋಡಣೆದ
ಕೌಶಲ್ಯಡು ಸಂಗೀತ ರಚನೆ ಮಳ್ಪರೆಗ್‌ಲಾ ಸಾಧ್ಯವಾಂಡ್, ಅಂಚನೇ
ಆಯೆ ಪಾತೆರ್ಪಿನ ಶಬ್ದಲೆನ್ ಅರ್ಥ ಜೋಡಿಸಾದ್, ನನ ಒರಿಯ‌ಗ್
ತೆರಿಯುನ ಲೆಕ್ಕೊ ಪಣರೆ ಸಾಧ್ಯವಿಷ್ಣುನಾಯೆ. ಈ ರೀತಿಡ್ ನಿರ್ದಿಷ್ಟ
ಶಬ್ದಲೆನ್ ಗೋಡಿಪದ್, ವಾಕ್ಯರಚನೆ ಆದ್
ಸುಲಭರಿತಿಡ್
ಕ್ರಮಬದ್ಧವಾದ್, ಅಭಿಪ್ರಾಯ ತೆರಿಪಾವರೆಗ್ ಆಯಾಯ ಭಾಷೆಗ್ ತಕ್ಕಂತಿನ
ರಚನೆ ತಯಾರಾದುಂಡು, ಈ ರಚನೆನ್ ವಿಶ್ಲೇಷಣೆ ಮಾಳ್ತ್ ದ್ , ಭಾಷೆದ
ನಿಯಮಲೆನ್ ತೆರಿಪಾವುನ ಕೆಲಸವಾಂಡ್ ವ್ಯಾಕರಣಕಾರರೆಲ್, ಇನ್ನಗ
ಭಾಷೆ ಪುಟ್ಟದ್, ಅಯಿಕ್ ರಚನೆ, ಸ್ವರೂಪ ವಾಕ್ಯ ಪ್ರಯೋಗವಾಯಿನ
ನಂತ್ರನೇ ವ್ಯಾಕರಣ ಗ್ರಂಥಲು ಉಂಡಾಯ. ಕೆಲವು ಭಾಷೆಡ್ ಅಪಗನೆ
| ತುಳು ಪಾತೆರೊ | 24 |
24
