೧. ಪೂರ್ಣಕ್ರಿಯಾಪದಲು ಸ್ವತಂತ್ರವಾದ ಅರ್ಥಕೊರ್ಪ, ಯಾನ್ ಬತ್ತೆ, ಇ ಬತ್ತ, ಆಯೆ ಬತ್ತೆ, ಆಳ್ ಬತ್ತಾಳ್, ಅವು ಬತ್ತೋ ಇತ್ಯಾದಿ ಪೂರ್ಣವಾದಿತ್ತಿನ ಒಂಜಿ ಕ್ರಿಯೆನ್ ಪಿನ್ಹಾವ.
೨. ಸಾಪೇಕ್ಷ ಕ್ರಿಯಾಪದಲು ಪೂರ್ಣರೂಪ ಕ್ರಿಯಾಪದಲು ಆವಂದೆ ಕೆಲಸ ಅರ್ಥ ಮುಗಿಯಂದೆ ಇತ್ತಂಡ ಅಪದಲು ಸಾಪೇಕ್ಷ ಕ್ರಿಯಾಪದಲು ಇಂದ್ದಾಪ. ಆಯೆ ಉಂಡುದು+ಬತ್ತೆ. ತಿಂದ್ದ್ ಬತ್ತಾಳ್. ಉಂಡುದು, ತಿಂದ್ದ್ ಅಪೂರ್ಣ ಕ್ರಿಯೆ. ಕ್ರಿಯೆತ್ತ ಪೂರ್ಣ ಅರ್ಥ ತಿಕ್ಕರೆ ಬತ್ತೆ, ಬತ್ತಾಳ್ ಇನ್ಪಿ ಪೂರ್ಣ ಕ್ರಿಯಾಪದತ ಸಹಾಯ ಇಂದೆಕುಲೆಗ್ ಬೋಡಾಪುಂಡು.
೩. ಸಂಯುಕ್ತ ಕ್ರಿಯಾಪದಲು ರಡ್ಡ್ ಕ್ರಿಯಾಪದಲೆನ್ ಗೋಡಿಪುನ ಪ್ರತ್ಯಯ ಸೇರ್ದ್ ಅರ್ಥ ತೆರಿಪಾವ, ಉದಾ: ಬರ್ ಧಾತು. ಆಯೆ ಬತ್ತುದುಳ್ಳೆ, ಆಳ್ ಬತ್ತದುಳ್ಳಾಳ್, ಅವು ಬತ್ತ್ದುಂಡು ಇತ್ಯಾದಿ ಬರ್+ಉಳ್ ಧಾತುಲು ಸೇರ್ದಾ.
9.70 ಕ್ರಿಯಾಪದ ರಚನಾ ಕ್ರಮಟ್ ನನ ಕೆಲವು ಮಾದರಿಲೆನ್ ಪಣೆರೆ ಉಳ್ಳ ಉದಾ: ಆಯೆ ಆಟ ತೂದು ಬತ್ತ್ದೆ. ತೂದ್ ಇನ್ಪಿನವು ಮಿತ್ತ್ಡ್ ಉದಹರಿಸಿನ ಸಾಪೇಕ್ಷ ಕ್ರಿಯಾಪದ, ಅಪೂರ್ಣವಾದಿತ್ತಿನವು. ಪೂರ್ಣಾರ್ಥ ಪಡೆವೆರೆ ನನ ಒಂಜಿ ಕ್ರಿಯಾಪದೊನ್ ಅಪೇಕ್ಷೆ ಮಾಳ್ಪುನವು. ಇಂಚಿನ ಸಾಪೇಕ್ಷ ಕ್ರಿಯಾಪದಡ್ ಕೆಲವು ಬಗೆತವೆನ್ ರಚನೆ ಮಾಳ್ಪೊಲಿ.
೧. ನ್ಯೂನ ಸಾಪೇಕ್ಷ: ಉದಾ: ಆಯೆ ಆಟ ತೂವೊಂದು ಬತ್ತ್ದೆ. ಮುಲ್ಪ ಬದಲಾದ್ ತೂ+ಒಂದು ಇನ್ಪಿನವು ನ್ಯೂನ ಸಾಪೇಕ್ಷ ರೂಪವಾದುಂಡು. ಅಂಚನೆ ತೂದು,ತೂ+ಉದು ಇನ್ಪಿನವು ಭೂತಕಾಲದ ನ್ಯೂನ ಸಾಪೇಕ್ಷ ರೂಪವಾದುಂಡು.
೨. ನ್ಯೂನ ನಿಷೇಧ ಸಾಪೇಕ್ಷ: ಆಯೆ ಆಟ ತೂವಂದೆ ಬರಯೆ. ಮುಲ್ಪ ತೂ+ಅಂದೆ ತೂವಂದೆ ಇನ್ಪಿನವು ನ್ಯೂನ ಸಾಪೇಕ್ಷ ಅಂಚನೆ ನಿಷೇಧ ರೂಪದವು. ಸಾಪೇಕ್ಷವಾದ್, ಬರಯೆ ಇನ್ಪಿ ನಿಷೇಧರೂಪದ ಪೂರ್ಣ ಕ್ರಿಯಾಪದ ಸೇರ್ದ್ ಅರ್ಥ ಪಿನ್ಪಾವುಂಡು.
೩. ಪಕ್ಷಾರ್ಥ ಸಾಪೇಕ್ಷ ಕ್ರಿಯಾಪದಲು: ಒಂಜಿ ಕ್ರಿಯೆ ನಡಪನಗ ಅಥವಾ ನಡತ್ಂಡ ಅಯಿಕ್ ಅನುಕೂಲವಾಪಿನ ನನ ಒಂಜಿ ಕ್ರಿಯೆ ನಡಪುಂಡು. ಉದಾ: ನೀರ್ ಪರ್ಂಡ ಬಾಜೆಲು ಪೋವು(ಪೊಪುಂಡು), ಮುಲ್ಪ ಪರ್ಂಡ ಇನ್ಪಿ ಸಾಪೇಕ್ಷ ಕ್ರಿಯಾಪದ ಅಪೂರ್ಣ ಪೋವು (ಪೊಪುಂಡು) ಇನ್ಪಿನವು ತತ್ಪರಿಣಾಮವಾದ್ ಆಪಿನ ಮುಖ್ಯ ಕ್ರಿಯಾಪದ, ಪರ್ಪಿನ ಕೆಲಸ ನಡಪುನಿ ಬಾಜೆಲ್ ಪೊವೆರೆಗ್ ಇನ್ಪಿ ಸ್ಪಷ್ಟ ಅರ್ಥ ತೆರಿಪಾವುಂಡು. ಇಂಚನೆ ಬತ್ತ್ಂಡ, ಪೋಂಡ, ನಡತ್ತ್ಂಡ, ಮಾಳ್ತ್ಂಡ ಇನ್ಪಿ ಕ್ರಿಯಾಪದ ಸಾಪೇಕ್ಷ ರೂಪಲು ಪಕ್ಷಾರ್ಥ ರೂಪಲು.
172
ತುಳು ಪಾತೆರೂ