ಕ್ರಿಯಾರ್ಥ ಧಾತು: ವಿವರಣೆ
9.20 ಕ್ರಿಯಾರ್ಥ ಧಾತು : ಕ್ರಿಯೆ ಸಾಗುವ ಅರ್ಥದ ಮಿತ್ತ್ ಕ್ರಿಯೆತ
ಅರ್ಥ ತೆರಿಪುನಿ ಆ ಕ್ರಿಯೆನ್ ಸೂಚನೆ ಮಾಳ್ಪುನ ಮೂಲರೂಪೊಡು. ಉದಾ:
ಒರಿ ಯಜಮಾನೆ ಆಳ್‌ಗ್ ಪಣ್ಪೆ: " ಆಯನ್ ನೋಪುಲಾ ಇಂದ್‌ದ್‌.
ಆಳ್‌ಗ್ ಅಯಿತ ಅರ್ಥ ತೆರಿಪುಜಿ ಇನ್ಕ. ಅಪಗ ಯಜಮಾನೆ ಪಣ್ಪೆ: " ಆಯಗ್
ಹಾಕ್‌ಲಾ " ಈ ಹಾಕ್ ಪದ ನೋಪು ಶಬ್ಧದಾತ್ ಅರ್ಥ ಕನಪುಜಿ. ನೋಪು
ಪದತ ಧಾತು ರೂಪದ ಅರ್ಥ- ನೋ, ಇನ್ನಗ ಬೇನೆ, ನೋಪು ಇನ್ನಗ ಬೇನೆ
ಮಾಲ್ಪು.ಹಾಕ್
ಪದತ ಅರ್ಥ ಇಂದೆಕ್ ಸಮಾನಾರ್ಥವತ್ತ್.
ಪಾಡ್,ಕೊರು,ದರ್ಪು ಇತ್ಯಾದಿಲೆಗ್ ನೋಪುದ ಸರಿಸಮಾನವಾದಿತ್ತಿನ
ಅರ್ಥವಿಜ್ಜಿ. ಇಂಚ ಅರ್ಥ ಸರ್ಮಪಕ ದಾಂತಿನ ಕ್ರಿಯಾಪದಲೆಡ್ ಕೆಲಸ
ಕೆಟ್ಟುವ ಸಂಭವನೇ ಎಚ್ಚಿಗೆ.
9.21 ತುಳುT ಮೂಲದ್ರಾವಿಡದ ಅನೇಕ ಕ್ರಿಯಾಧಾತುಲು ಕ್ರಿಯಾಪದ ಪ್ರಯೋಗದ ನಿಮಿತ್ತ ಉಚ್ಚಾರ ಬದಲಾವಣೆ ಆತಿನಲಾ ಉಂಡು. ಮೂಲದ್ರಾವಿಡ–ಹಳೆಗನ್ನಡದ ಸಂಪರ್ಕ ಕಡಿದ್ ಬತ್ತಿನ ಪೊರ್ತುಡ್ ಉರ್ದು ಪಾರ್ಶಿ, ಹಿಂದೂಸ್ತಾನಿ ಕೆಲವಾರ್ ನಾಮಪದಲು (ಸ್ತ್ರೀಲಿಂಗ-ಪುಲ್ಲಿಂಗ ಪದಲು: 6. ಶಬ್ದ ಪ್ರಕರಣ: ತೂವೊಅ) ತುಳುಟು ರೂಢಿಯಾದ ಅಯಿಕುಳೆಡ್ದ್, ಪ್ರಾಕ್ದ ಕ್ರಿಯಾಧಾತುಲು ಅರ್ಥ ತೆರಿಯಂದೆ.ಉಪಯೋಗದಾಂತೆ ಪೋಯಾ, ನಾಮಪದಲೆಗ್ "ಅಂಡ" ಇನ್ಪಿ ಕ್ರಿಯಾಪದ ಸೇರ್ಸಾದ್, ಉರ್ದು ಶಬ್ದಲು ರೂಥಿಗ್ ಬತ್ತ್‌ದ್ ಕ್ರಿಯಾಪದಲಾತ. ಉದಾ: ಶೌಕ್ >ಸೋಕು, ಸೋಕಾಂಡ್ ಇನ್ಪಿ ಕ್ರಿಯಾಪದ ಸೇರ್ದುಳ್ಳ [ಶೌಕ್=profiligate, ದುರ್ವ್ಯಸನ ಇನ್ಪಿ ಅರ್ಥಲಾ ಉಂಡು, ಉರ್ದುದ ಮೂಲಾರ್ಥ ತುಳುಟು ಬದಲಾತ್‌ಂಡ್]. ಅಂಚನೆ. ಖುಷ್>ಕುಸಿ. ಶುರು>ಸುರು -ಇಂಚಿನ ಉರ್ದುಪದೊಕುಲು "ಆಂಡ್" ಇನ್ಪಿನ ತುಳುಪದ ಸೇರ್ದ್, ಕುಸಿಯಾಂಡ್, ಸುರುವಾಂಡ್ ಇನ್ಪಿನ ಕ್ರಿಯಾಪದಲಾತ.
ಇಂದ್ ನಡತ್ತಿನಿ ಉರ್ದು-ಹಿಂದೂಸ್ತಾನಿ ಅರಸ್ಥಾನದ ಭಾಷೆಯಾದ್, ಕೋರ್ಟು, ಕಛೇರಿ, ವ್ಯವಹಾರ ಆ ಭಾಷೆಲೆಡ್ ಇತ್ತಿನ ಕಾಲೊಡು. ಸಹಚರ್ಯಡ್ದ್ ಬತ್ತಿನಾ ಈ ಕ್ರಿಯಾಪದಲು ತುಳುಟು ದುಂಬುಡೇ ಇತ್ತಿನ ಶಬ್ದಲು ತಪ್ಪರೆ ಕಾರಣವಾಯಾ. ಮೂಲದ್ರಾವಿಡದ ಕ್ರಿಯಾಧಾತುಲು, ತುಳುಟು ಉಚ್ಚಾರ ಮಾರ್ಪಾಟಾದ್, ಅರ್ಥತೆರಿಪಾವುನವಾದ್ ಅಂಚಿನ ಸುಮಾರಾದ್ ಐನೂದೆಗ್‌ಲಾ ಮಿಕ್ಕಿದಿನ ಧಾತುಲೆನ್ ಅನುಬಂಧ 4ಅ-ಡ್ ಕೊರ್ತುಂಡು. ಅಂಚನೆ, ಸಂಸ್ಕೃತದ ಮೂಲಧಾತುಲೆನ ಅರ್ಥವಿಸ್ತಾರ ಪಿನ್ಪಾವುನ ಪಟ್ಟಿನ್ ಅನುಬಂಧ 4ಇ-ಡ್
162
ತುಳು ಪಾತೆರೊ
