This page has been validated.
— 29 —
CARARAG
ITI SAGRADA FAMILIA.
!Oh Jesus, naayat unay a nangisalacan cadacami! nga idinto ta bimmabca sadi langit aumay manglaoag itoy lubong iti panangisurom quen panagpatulad mo, quinayatmo ti adadda nga nagtaeng iti panagbiag mo idi nanumo nga balay sadi Nazaret, situtulnog quen siannugot cada Maria Santisima quen San Jose, quet casta unay ti panangpadaeg mo iti daydi a balay tapno iso-ti pagolidanan amin daguiti cristianos:aoatem coma a sicacaasi toy guimong mi a maidaton amin ita Quenca. Saluadem, saranayem coma, Apo, quet pasingquedam met coma quencuana ti nasantoan d panagbuteng Quenca casta met ti talna quen timpuyog ti nadalos d panagayanayat daguiti cristianos tapno agbalin a umasping
