Page:Trisagio quen carcararag (en Ilocano) (IA apt6484.0001.001.umich.edu).pdf/27

— 25 —

guguranda cam iti napalalo
nga cas la balitoc a pimpolo.
 Icacaasitay ala, cristiano...

 Maysa a rissic ti beggang
iti apoy ditoy a manguram
no dita daga umanay coman
a mangrunao mamimpinsan,
daytoy unay ti pacapnecanyo
iti pudot ditoy a inguet caro.
 Icacaasitay ala, cristiano...

 Idi addaac pay dita daga
quinamauyong co ti naiduma
ta diac laeng immaripapa
iti pudot ditoy nga aoan pada:
adayo idi a impagaropco
a castoy quet daytoy a disso.
 Icacaasitay ala, cristiano...

 Sumangcangrona nga tooc
a cas la itay mamagpolcoc
ti di pannacaquita iti libnos
ti rupa ti Apo tayo a Dios:
rigat unay daytoy a nacaro
a cas met la iti infierno.
 Icacaasitay ala, cristiano...

 ¡Oh ama, nga nagputot
itoy anac mo a pinataod!
¿dica man aya magutogot
a mangbangar cadaguitoy tooc?