rorīmthe a tigernai nammã. It hē indso[1] sīs[2] a[3] nanmannside[4]: Dā C[h]rūaid, dā Chalath, dā Chīr, da Chāar, da Ecell, tri Cruim, tri Caurith, tri Combrigi,[5] ceit[h]ri Feochair, ceit[h]ri Furechair, ceit[h]ri Caiss, ceit[h]ri Fotai, cōic Aurith,[6] cōic Cermain, cōic Cobthaich, sē Saxain, sē Dauith,[7] sē Dāiri, secht Rōchaid, secht Ronain, secht Ruirich,[8] ocht Rochlaid, ocht Rochtauid,[9] ocht Rindaich, ocht Cairpri,[10] ocht Mulaich, nāi nDaithig,[11] nāi Nāiri,[12] nāi nDāmaich, deich Fēicc, deich[13] Fīachaich, deich Feidlimid.
Deich rīg ar sē[14] fichtib rīg robii[15] Cūchulaind i mBreislig Mōir Muigi Muirthemne.[16] Dīrime immorro olchena di chonaib ⁊ echaib ⁊ mnāib ⁊ maccaib ⁊ mindāinib ⁊ drabarslōg, ar nīrērno[17] in tres fer do ḟeraib[18] cen chnāim leisi nō leithchind nō lethṡūil do brisiud nō cen bithainim tria bithu betha.[19]
Dothǣt Cūchulaind arnabārach do thai[d]briud int slōig[20] ⁊ da[21] thaisbenad a chrotha ālgin ālaind[22] do mnāib ⁊ bandtrochtaib ⁊ andrib ⁊ ingenaib ⁊ filedaib ⁊ ǣs dāna, ūair nīr mīad nā maisi lais[23] ind ūaburdelb drūidecda tārfas dōib air inn[24] agaidsin[25] rīam[26] reme; is airesin didiu[26] tānic do thaiselbad a chrotha[27]. Alaind ēm in mac tānic andsin do thaisealbad[28] in lāsin[29] a c[h]rotha dona slūagaib .i. Cūchulaind mac Soaltaim. Tri[30] fuilt bātar air,[31] donn fri toind,[32] crōderg ar medōn; mind ōrbuidi[33] ardathuigethar.[34] Cāin cocairsi ind ḟuiltsin co curenn teōra imrotha[35] im chlais a chūlaid, comba samalta ⁊ snāth ōir[36] cach finna faithmaingeach[37] forscāilte forōrda dīgrais dūalḟata dearscaithech[38] dathālaind dara a[39] formna sīar seal[40] sechtair. Cēt cairches corcorglan do dergōr ōrlasrach
- ↑ e seo LU.
- ↑ om. LU.
- ↑ om. LU.
- ↑ amandside LU., after which is added: inna rurech ⁊ inna táisech .i.
- ↑ the second letter and the sign over it are indistinct: combirgi LU.
- ↑ caurith LU.
- ↑ dáich LU.
- ↑ rurthig LU.
- ↑ rochtaid LU
- ↑ corpri LU.
- ↑ ndaigith LU.
- ↑ ndári LU.
- ↑ MS. deith
- ↑ secht LU.
- ↑ robí LU.
- ↑ maigi murthemni LU.
- ↑ MS. nirerno altered later to nisserno: nírérno LU.
- ↑ herenn add., LU.
- ↑ LU. adds: ⁊ dothǽth úadib iarsin iar tabairt in tressasin forro cen fuligud cen fordercad fáir fein nō fora gillai nō for ech dia echaib
- ↑ s added later below
- ↑ to LU.
- ↑ the second a added below the line
- ↑ leiss LU.
- ↑ fiar ind LU.
- ↑ adaig LU.
- ↑ 26.0 26.1 om. LU.
- ↑ algin alaind inlásin LU.
- ↑ ai is on an erasure, and e is on the tail of s
- ↑ inlásin om. LU.
- ↑ Faircsi tri LU.
- ↑ fair LU.
- ↑ cind add. LU.
- ↑ orbude LU.
- ↑ ardatugethar LU.
- ↑ imsrotha LU.
- ↑ snath oir: orṡnáth LU.
- ↑ the g is later; fathmainnech LU.
- ↑ derscaigtech LU.
- ↑ om. LU.
- ↑ sell LU.
