Jump to content

Page:Tain Bo Cuailnge.djvu/44

From Wikisource
This page has been validated.
32
TÁIN BÓ CÚAILNGE

nEūin. Nō[1] is for gūalaind Medba bātar immalle itir togān ⁊ ēn, ⁊ is a cind bentatar na hurchara dīb.

Bāiti[2] dino[3] Reūin ina loch. Is de atā Loch Reūin. “Nī cīan ūaib atā far cēle,” or Ailill frisna Mane. Ataregatsidi [24a] sūas ⁊ imusdēcad. Intan sīassadar athorach,[4] benaid Cūchulaind[5] fer dīb[6] co memaid a chenn fair. “Bamad ladsaid[7] dō; nī bu adas[8] far mbresi,[9]” or Mane oendruth[10]; “Dobēraindsea a c[h]eand de.” Tollēici Cūchulaind[5] cloch[11] dō, co mmemaid a chend fair. Is amlaid trā romarbtha in luchtsin: Ōrlām chetumus ina dind, trī maic Garchon[12] fora nāth; Fertedil ina dedil[13], Mǣnān[14] ina dind. “Toṅgu do dīa toingi[15] mo thūath,” ol Ailill, “fer dogēna a ēcnach sund, dogēnsa[16] dā leth de.” Tǣt as itir lāa ⁊ aidche[17] chena[18],” ol[19] Ailill, “co rīsem Cūailngṅe.[20] Mairfid in fersa dā trian for slūaig fo nindasa.[21]”

Is andsin dusnāncatar cruitti Cāin Bile ō Easrūaid dia nairfided.[22] Indar leosom[23] ba du toscelaib[24] forru[25] ō hUltaib. Doberat tofond forru co llotar rempo i ndelbaib oss iarum isna coirthiu[26] oc Līac Mor antūaid; ar robdar druid co mōreōlus.

Dogēni[27] dino[3] Lethan fora āth for Nīth la Conailliu. Anaiss cadeisin ara c[h]ind Conchulaind.[28] Ba sǣth lais a ndogēni Cūchulaind. Eissgid[29] dino[3] Cūchulaind[30] a chend dei suidiu[31], conidfācaib[32] lais. Is de atā Āth Lethan for Nīth. Ocus memdaitir a carpait leu oc comrac forsinn[33] āth ina farrad.[34] Is de atā Āth Carpat. Docher[35] Mulcha ara Lethain isin gūala fil etorru. Is de atā Gūala Mulcho.[36] Cēin bātar didiu in slōig[37] oc toichim Maighi[38] Breg, fosrumæi[39] a llechtu collēic. Noch is ī in Morrīgan sōn i ndeilb heūin co mbōi forsin c[h]oirthi hi Temair Chuailngiu[40]; ⁊ asbertsi risin tarb.[41]

  1. ↑ dano add. LU.
  2. ↑ Báite LU.
  3. ↑ 3.0 3.1 3.2 dano LU.
  4. ↑ siaradar has been altered to siassadar: siasatársom dano atheroch LU.
  5. ↑ 5.0 5.1 Cú LU.
  6. ↑ fer dīb: fer::ib, with a letter erased between r and i YBL.
  7. ↑ Bámádlodsaid LU.
  8. ↑ bu adas: buadas YBL, buádas LU.
  9. ↑ mbraisse LU.
  10. ↑ Mane oendruth: Mænén drúth LU.
  11. ↑ cloich LU. recte
  12. ↑ Gárach LU.
  13. ↑ dédlib LU.
  14. ↑ MS. Mænard: Mǽnan LU.
  15. ↑ toingthe LU.
  16. ↑ dagénsa LU.
  17. ↑ aidchi LU.
  18. ↑ chena dund LU.
  19. ↑ or LU.
  20. ↑ co rísam Cualgi LU.
  21. ↑ fónninnassa LU.
  22. ↑ nairfitiud LU.
  23. ↑ leó, with indecipherable marks beneath the o LU.
  24. ↑ toscelad LU.; leg. thoscélad
  25. ↑ The first r is added over the line
  26. ↑ coirthib LU.
  27. ↑ Dagéini (.i. tic) LU.
  28. ↑ Conculaind LU.
  29. ↑ Ésgid LU.
  30. ↑ MS. čuꝉ
  31. ↑ di sudiu LU.
  32. ↑ conidfácab LU.
  33. ↑ forsind LU.
  34. ↑ f has been added later
  35. ↑ Docer LU.
  36. ↑ mulclo was first written, and the second l was altered to h by means of a curve drawn over the final o: gulo mulchai LU.
  37. ↑ int slóig LU.
  38. ↑ The mark of aspiration and the second i are later
  39. ↑ forrumai LU.
  40. ↑ Cualṅgi LU.
  41. ↑ asbert frisin tárb LU.
Retrieved from "https://wikisource.org/w/index.php?title=Page:Tain_Bo_Cuailnge.djvu/44&oldid=744247"