trā,” olse, “fomus forsinnīsin.[1] Ocht trichait cēt .x[2]. immorro inso,” olse, “ara rīm, acht forodlad int ochtmad tricha cēt[3] dēac[4] fon slōg nuile, conid mesc fria rīm .i. tricha cēt na ṅGaleōn.[5]”
Dolluid Cūchulaind iarum timchell ind slōig co mbāi[6] oc Āth Gabla.[7] Bennaid[8] gabail i siuidiu[9] ōenbēm cona c[h]loideb[10], ⁊ saidius[11] for medōn na glaissi conā dīchtheth carpat friæ disīu nāch anall. Dofurget[12] oco Eirr ⁊ Indell, Fōich ⁊ Fōchlam a ndā ara. Benaidsi[13] a cethri cind[14] dīb ⁊ focheird for ceitheora[15] benna in c[h]raind.[16] Is de atā Āth Gabla[17] andsin.[18]
Tīagaid iarum eich in c[h]ethrair ind agaig[19] int slōig,[20] ⁊ a fortcha[21] forderga foraib. Indar leō ba cath bāi[22] ara cind isinn āth.[23] Dothǣt[24] buiden hūadib do dēscin[25] ind ātha. Nī facadar[26] nī and acht[27] slicht ind ōencharpait, ⁊ in gabal[28] cusna cethri cinnu[29], ⁊ ainm nogaim iarna scrīband[30] ina tōeb. Ric in slūag uli lasodain. “In diar muintirni na cenda ucut?” or Medb. “Is diar muinterni[31] ōn ⁊ is diar forglidib,” or Ailill. Ardolēga[32] fer dīb in nogum robūi[33] i tōeb na gabla .i. ōenfer rodlā[34] in gabal[35] cona ōenlāim, ⁊ nī tēsid seacha,[36] condarala nech dīb[37] cona ōenlāim cenmothā Fergus. “Is machtath,” ol Ailill, “a thraite[38] rombīth[39] in cethror.” “Nā bad ed bas machtad lat,” ol Fergus; “bad bēim na gabla dia[40] bun ōenbēm, ⁊ masa[41] ōenleōd a bun, is crichiude,[42] ⁊ a intsāthud[43] in tuchtsa, ol nī chlaidi[44] roclas rempe, ⁊ is a hīarthuir[45] carpait rolaad co nōenlāim.” “Diṅgaib dīnd ind ēiginsea,[46] a Ḟeargus,” ol Medb. “Tucaid carpat dammsa trā,” ol Fergus, “condatucsa as, co ndercass[47] in ōenleūd a bun.” Brisus[48] Fergus iarum .iiii.[49] carptiu dēac dia chairptib,[50] compo[51]
- ↑ forsanísin, LU.
- ↑ och[t] tric[h]ait chét deac LU.
- ↑ chet LU.
- ↑ MS. dh˘
- ↑ .xxx. chét na nGalión LU.
- ↑ mbói LU.
- ↑ Áth Grena LU.
- ↑ benaid LU.
- ↑ suidiu LU.
- ↑ claidiub LU.
- ↑ saidsius LU.; leg. sáidsius
- ↑ MS. dofurcet altered to dofurget; dofuircet LU.; leg. dafuircet? cf. Wb. 25b16.
- ↑ benaidsom LU.
- ↑ cinnu LU.; leg. a cethri chenna
- ↑ cethora LU.
- ↑ na gabla LU.
- ↑ After ath a letter has been erased: Ath nGabla LU.
- ↑ om. LU., which has the gloss: .i. oc Beloch Caille More fri Cnogba atuaid
- ↑ i nagid LU.
- ↑ s added later below
- ↑ fortchai LU.
- ↑ bá cath bói LU.
- ↑ isind áth LU.
- ↑ dothéit LU.: leg. dotéit
- ↑ recte décsin
- ↑ acatár LU.
- ↑ added later over the line
- ↑ gabul LU.
- ↑ leg. cosnaib cethrib cennaib
- ↑ scribend LU.; recte scríbund
- ↑ muintirni LU.
- ↑ o added later below the line: ardléga LU.; leg. arléga
- ↑ robói LU.
- ↑ rodlá LU.; leg. rolá?
- ↑ gab¯ LU.; leg. gabuil
- ↑ secce LU., recte
- ↑ náib LU.; over the line in YBL. is added id samlaid
- ↑ thraite LU.
- ↑ robíth LU.
- ↑ a added later under the line: di LU.
- ↑ mássu LU.
- ↑ crichidiu de LU.
- ↑ s added later under the line: intádud LU.
- ↑ claide LU.
- ↑ iarthur LU.
- ↑ in necinseo LU.
- ↑ -dercais altered to -dercass: -dercaiss LU.; leg. -dercastar?
- ↑ brissis LU.
- ↑ cetri LU.
- ↑ leg. dia cairptib
- ↑ combo LU.
