som feisine. Rōi Arad, is hed a ainm ind luic i torchar ar conā feadain ar Tānaig Bō Cūailṅgi.
Aisliṅgi nAimirgin annso.
Aisliṅgi nAimirgin tra iarsin hi tīr Thailten. Dosbiudc asa aisliṅgi conā hētad due a ainech[1] dō i Tailtin.[2] Is and tāinic Cūrāi mac Dāire cusin slōg do chomruc fri[3] Coinculaind. Adchūas dō rogab a ōenur trī mīsa gaimrid fri feraib hĒrend. Nī ba fearrda la Coinrūi mac Dāiri frisin slōg teacht iarum ara cheand ind ḟir tregdaigthi crēchtaigthi. Ar robīth Cūchulaind co ndec[h]aid a altaib dō. Is iarum dobidc Cūrāi dīb dībrucud ar ceann araile fri hAmargine commafrecraidis na clocha isinn aer. Is iarum gāid Cūrāi innī Amargine im lēgud ina tāna dar Tailtin. Lēicsis iarum Amargin. Nīrbo machtad immorro bith ar ēgin nombertha ⁊ doringelt Cūrūi dosom nād bīad i cōimthecht in t[s]lōig ōn hūairsin. Dognith didiu. Luith Cūrāi a ndīaid[4] in tslōig[5] fochētōir. Intan iarum adidchondairc Amairgin dosōiset clār clē fri Tailtin ⁊ fri Rāidh[6] nAirthir. Feccais forro aithirrach. Is ed tris ṅdīrīme na tāna ar romarb dībsin ⁊ a mac Conall Cernach[7] anais lais oco thimthirecht di clochaib ⁊ gāib.
Sīrrabad Sūaldaim annso.
Cēini dongnīthea tra ina hīsiu adchūidimar rocluinethar Sūallaith ō Rāith Sūaltaim i mMaig Muirrthemne būadrugud[8] a meic Conculaind fri dā mac dēc Gaile Dāna ⁊ mac a sethar. Is and asbert Sūaltaim: "In nem maides, fa muir thar chrīcha, fa thalam conscara, fa gāir mo maicse," olse, "re nēccomlonn?" Dothēt īarum dochum a maic. Ba holc la suthe tuidhecht[9] dō chuccai. Cia[10] nongonta nīmbīadsom[11] nert dia dīgail. "Ērg co hUltu," ol Cúchulaind,"[12] "⁊ taibret cath fochētōir donaib ōccaib; mani thibreat, nīcon dīastar foraib co brāth." Ammanaca[13] a athair iarum nīcon robāi ina charpat [44a] forsaroi[14] acht rind simni nād bad tregdaithi. A lām clē namā doet in scīath, cōeca fuile, is ed robāi inti. Farruma do Emain, congair do Ultaid: "Fir gontair, mnā brattar, bāi agthar.[15]" A chētna gairm a tæb ind lis, annī naill di thāib led in dūne, an tres
- ↑ a added below the line later
- ↑ i added after a below
- ↑ Altered later to fria
- ↑ the a ndiad has been added later above
- ↑ s and i added later below
- ↑ Aspirate mark later
- ↑ chernach ms.
- ↑ an original d or t has been altered to g
- ↑ Mark of aspiration over d later
- ↑ Letter erased after cia
- ↑ dsom added later
- ↑ Ċul˘ ms.
- ↑ f added later aove before aca
- ↑ Letter erased at the end
- ↑ leg. agtar
