La New York Esperanto Society, en sa kunsido de 15 Mayo, facis grava decido, di qua ni ne havas ja la texto, sed quan So A. Kangas, prezidanto di la Societo, rezumas a ni en personala letro quale sequas :
La Societo aprobis kordyale ed unavoce la proyekto di So Michaux, c. e. : 1o libera diskutado e plena toleremeso; 2o formala nego di l’ autoritato di la « Lingva Komitato » e di irga korporaciono qua pretendus nun riprezentar Esperantistaro; 3o libereso por omna Esperantisto adherar od ne a la Deklaro de Boulogne; 4o quika organizo di vera riprezentantaro esperantista, e di « Esperanta Akademio » kontenanta la max kompetenta Esperantisti kun filologi, ciencisti ed autori di la cetera LI. quin vere interesas la kreo e propago di LI.; 5o ta Akademio sola havos yuro ed autoritato por interkonsentar kun la Delegitaro, quan nula korporaciono nun havas, pro ke la Kongresi til nun kontenas nur ti, qui havas tempo e mono suficanta por ibe irar, e pro ke la Centra Oficeyo riprezentas nulu, esis elektita da nulu ed esas nur personala fondajo; 6o la Societo esas pronta submisar su a la decidi di tala Akademio pri reformi; 7o ol deziras, ke la kara linguo esez max perfekta posible, e ke ol esez kontrolata da konstanta Komitato, a qua on povos prizentar propozi di reformi; 8o ol ne opozas a la reformi ipsa, sed a ke li esez facata da privati; 9o ol deziras ke on solvez max frue posible la questiono pri reformi, por finar la teoriala diskuti malutila a la propagado, e por obtenar praktikala solvo, di qua omna amiki di la LI. agnoskos l’ autoritato; 10o ol sendos kopio di ca rezolvo ad omno esperantista jurnali; 11o ol mallaudas severe omna peno di ta jurnali por tenar la Esperantistaro en nesavo od eroro pri la questiono di reformi.
Expektante la fondo di l’ Akademio, la Societo konservas EP. quale oficiala linguo, sed ol admisas, por la libereso di opiniono e di diskuto, la linguo di la Delegitaro ed omna altra proyekto di reformi.
On vidas per ta rezumo, quala esas la liberala e progresema vidpunto di la New York Societo. Ni ja konocis ol de longe, sed ni ne kustumas fanfaronar, quale la konservema chefi. Kande So Max Talmey demisis quale prezidanto di ta Societo, pro personala motivi, li bruise klamis, ke il demisis pro sa reformemeso, e ke co pruvis, ke la New York Societo esas « fidela » e neplu povas tolerar hereziula prezidanto. Ni ja savis la kontrajo[1], e silence admiris la audaco di ta aserti, per qui on trompas la kredema Esperantistaro. Nun, per ta oficiala decido, aparas la « vera verajo », c. e. ke la societo esas tam reformema, kam sa ex-prezidanto, e kam sa nuna
- ↑ E ni aludis a to diskrete (Progreso, p. 116, l. 15-16)
