bhija bắn èn-laènna, sẽ emasoaghi ka kassa Kangdjeng Goepermèn.
Opama pèssè djǎrèja èpapolong bhǎi bǎn Kangdjeng Goepermèn, mandhǎ'ǎ soghina. Nangèng mon bǎ'na měkkèr bǎnnja'na pèssè, sè èangghoej ongkos aghǎbaj pan-barămpan ratos sakola'an, aghabaj djhǎlǎn radja, ḍhak-ghalaḍhak, palabbhoeǎn-palabbhoeǎn, patanḍhǎn-patanḍhǎn, aghabǎj songaj, ghadjhina para pardjadji sè ngator naghǎră, la tanto pas tao parlona bhǎrǎng sè maso ètjokè bǎn orèng ḍoemè' èsoro madjǎr padjhek.
22. Bengko è attas aèng.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
È sèttongnga arè bǎdjǎ lagghoe Pa'na Salè bǎn ana'na kaḍoewǎ anjama Kadír bǎn Amina nompa' seppoér ḍări Bettawi èntara ka palabbhoeän Tandjoeng-Prijoe', njapota tan-tarètananna dhǎddhi djongos è kapal anjama Soekoer, sè ba'ari anna bhoeroe ḍăteng ḍări Soemattra.
Kana' kaḍoewǎ djarèja paḍă anga-bhoenga, sabab bhakal nèngghoea kapal apoj, sè la segghoet èkaèḍing bertana, tapè ghi' ta' tao ka boedjhoeddha.
Bhăreng seppoér amboe è palabbhoeăn Tandjoeng Prijoe', sè katello paḍă toron; sakeddjha' agghi' la napa' è papan län-djhalanna orèng dari pèngghirra tèmbo'na palabbhoean onggha ka kapal. Soekoer la ngamba' è djaḍija; samarèna pada asalaman orèng kaempa' djǎrėja
