Pa'na Djoesoep ban ana'na ngotja' kaso'on ka Towan Ḍirèktoér pas amèt molèja; sè adjhälän alèbädhi kamar kennengnganna na'-kana' nabbhoe pèjano. Pa'na Djoesoep ngotja: ,,Bărămma Soep, partjadja satèja, djhă' na'-kana' boeta tao kèja adjhar akanța bă'na?" Djoesoep ta' njambhit, tjoma akèpek sambi ngondjhoe' njabă sakèng ghettonna. Orèng kadoewă djárèja èntar ka Achmad amèt molèja. Achmad ngotja' da' Djoesoep: ,,Mon dhika ko'anto polè, boelǎ pon ta' loppa ka sowarana dhika, dhăddhi tanto tao, djha' katamojan dhika."
,,Ponapa kèngèng kaoelă ka'kanto polè?" tja'na Djoesoep. ,,Ma' ta' ollèa? Sasèra'a bhǎi ollè li-bǎlian ko'anto, taḍă' larangan. Towan Ḍirèktoér renna ghălina mon băḍă orèng èntar ko'anto, ma' ollè tao kabada'ǎnna è dinto, dhăddhi ollè alǎ-bălă ḍă' orèng laèn, sabab ghi' bănnja' orèng bhoeḍhoe, sè ghi' ta' băngal maso' ko'anto. Mon dhika tatemmo băn orèng boeta, sè abhoeroe maèn, bălăi ghi, soro ko'anto, djha' pèdjher ngemmès bhăi."
20. Pennjo.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
È sèttong arè bădjă lagghoe noddjhoenè sakola'an notop Tohir atanja ka eppa'na, bhă' ghi' ènga'a ḍă' djhǎn-djhina, sè adhoengngènga. Eppa'na njaot: ,,Ijă, ènga', Hir, kèdi' malem sèngko atjarèta'a, satèja ghi' njarèana boekoe, sè băḍă ghǎmbharrǎ pennjo."
È malem djǎrèja kabhenḍerran tèra' boelăn, teppassa
