Mara taksèr bărǎmpa ropèja èngonna malolo è rè-saarèna?"
Achmad njambhoengè otja': ,,Kaoelă ngèḍing berta, taon bhoeroe ollèna adjhoewăl sekka' bhisaos ollè f 8000, mangka sè abhădhi sèk-osèk 1200 mègghi', bhoek-ghoebhoegghå kasor 2000 mègghi', tampar sè landjhǎngnga 20 M. abhăḍhi 1000 mègghi'; sadhädjă panèka èdjhoewal. Mangka padjoena ghi' ta' njokopè èkaongkos è ka'ḍinto; dhoelat djhoeghăn rèng-orèng sè soghi bănnja' sè abherri' partolongan."
Saabiddhǎ paḍă atjatja Achmad alènglèng mateppa' rèng-orèng sè paḍă alalakon. Djoesoep tjè' ghettonna ngabăssaghi orèng boeta ma' tao adjhălăn kadhibi'an, taḍǎ' sè nonton. Eppa'na ngartè ka semmona ana'na, molana pas ngotja':
,,Bă'na djha hèran, Soep, djărèja la bijăsa. Madjoe' djhă' nèngghoeă è los laènna.
9. Èntar nèngghoe roma boeta. II.
Bhăreng orèng kadoewa, eppa’ băn ana', napa' è los sè èèntarè, nangalè orèng lakè' binè' padă aghabǎj sèk-osèkka soko ḍări seppet bắn eddhoek. E djaḍija băḍă orèng sèttong todjoe', nga- ḍă'i papan, sè ètattjekkè pako njarettjek; orèng djǎrèja ngala' eddhoek satengkes è tanangnga sè kangan, èghebbhăssaghi ka pako, pas èghăghăp băn tanangnga sè katjèr, terro taoa teppa' ta' teppa'na è pako.
