kapprana neng è pakarangan lèbăr băn bănnja' bhoeng-
kana wǎ'-boewǎ'an otabǎ ka'-bhoengka'an laènna sè naongè pakarangan; tapè è pamengkangnga orèng Tengger tèghår bhai, tadǎ' ka'-bhoengka'anna sakalè. Tjanḍèlana bengkona tjoma sèttong otabă doewǎ', molana è romana petteng. Sè dă bărijă djǎrèja la dhăddhi tjarana orèng Tengger, sarta kabbhi mastè modjhoer dări dădjă dă' lao', adhebbhă mastè ngadheppaghi ghoenong Semmèroe. Labăngnga tjoma sèttong mongghing è tabing tèmor sè o'-lao', dhaddhi semma' băn tabing sè è pèngghir lao'. Kalamon orèng maso' ka roma adjhălăn da' dădjă ladjhoe napa' è dăpor, kennengnganna ala ola băn atana’; mon badja malem băn ghi lagghoe orengnga padă ngòndoe è djadija, sakèng tjelleppa, sabab hawana tana paghoenongan rèja padjhǎt tjè tjelleppa. Lèntjakka adjhidjhir, orot tabingnga bengkona. Katèḍoenganna băn patamojanna ija è djǎdijă. Mon orèng maso' adjhoedjhoek è tabing bără', terrosanna
labăng, pas nangalè ra' kennengngan panjabǎ'anna bhărǎng posakana.
