nambăi assrèna panèngal. Atambă tèngghi padjhǎlǎnan ghăpanèka atambă korang bădăèpon tamenan njèjor sareng gheḍḍhăng. Pokol 12 sèjang kaoelǎ sadhădjă tandhoek è dhisa Soekopoero, adjhoedjhoek è kabadhanan. Padjhǎlǎnan èamboeăghi ḍhimèn. Towan mondhoek è kabǎdhǎnan. Bădhăna aparènta ḍa' patènggi (kalèboen) njadijăi pondhoeghăn kaoelǎ sareng tja-kantja è bengkona patènggi. Ta' antara abit è mandhapana ampon asaḍijă kasor ḍoe polo mègghi' adjhidjhir.
Saamponna manḍi otabă araop kaoelǎ sakantja pas alǎn-djhălănan nèngalè kebbhoen kopi, ladjhoe toron ka tjora sè dǎlem, lebat è ḍhǎk-ondhak băto sè dhoerdjhet, tje' marèngèssa. Ta' antara abit pas napa' è songaj sè è pèng-apèngè tjora; aèngngèpon djhennèng sareng tjellep. È ghǎka'ijă bănnja' motakkèpon è'-naè'an sakalangkong leppè èpon, agha'lir è tja'-rantja', taḍa' tako'èpon ka orèng; sowaraèpon ngarèjok paḍă aghadja'.
