bădjă bheḍḍhoek Pa'na Djămédín sakè' kadhădhăk; ḍă'-aḍǎ'na ghi' èdjă-kadjă bhăi ǎdjhălăn, tapè bit-abit ta' kellar; mangka djhăoe bără', djhăoe tèmor, tada bengko sèttongnga sè katon. Aḍoe, sossana. Tja'na sang-pèkkèr: ,,Bărămma akkal?" sambi nga-'lènga'an. Kabhenderran sèngko nangalè ko'-rongko' è sabă, mongghing è pèngghirră lorong. Sang-djhărăghăn èrèbing orèng kaḍoewǎ èghibă ḍă' ko'-rongko djǎrèja. È djăḍijă sè sake' ollè ngaop, ta' patè kapanasan. Tapè atè ghi' tjè' sossana, sabab kapaksa ngènep è djăḍijă sarta taḍă' sè èkakana. Sennengnga sakonè' panjakè'na Pa' Djămédín pènḍhanan, sarta è bǎkto bǎdjă tengnga malem tao njèḍḍha tèḍoeng; tapè kasennengngan djărèja tjoma sakeddjha', sabăb è ghoenong masè bhăkal odjhana dherres; onḍemma akompol, kèlappa salèng papèjar, ghaloedhoegghă ngadjheḍdhoelăn akanṭa monjèna marèjem. Ta' antara abit pas odjhăn ongghoeăn. Ata'na pondhoek djărèja katoro'; sèngko' sakantja katello paḍă lontès. Odjhăn angèn ta' dhoeli tjeddhoe, la-mala atambă dherres, ghaloed hoegghǎ atambă rammè. Aḍoe, tako'na ta' ra-sakèra; tapè sèngko' mateggep bhai. Tjoma mon ènga' ka sè sakè' atè pas ngennes. Sang-djhărăghăn todjoe' è paddhoena pondhoek sè tanana la possa ban aèng. Ah, nèserra! Orèng katello djărèja taḍă' sè tja'-ngotja'a, kabbhi paḍă ta' akasa' marèngès ngèding padjheddhoellä ghăloedhoeg băn ngaratappa odjhăn. Abă' ngotak sakèng tjelleppa.
Tao-tao kala djărèja Pa'na Djamédín djhăghă, ropana masè ngèdinga sowara sè nako'è; kabhărengngan ghǎlirabbhǎ ḍhap-keddhap sèngko nangalè mowana. Aḍoe, kana', marèngèssa; saabiddha sèngko' ghi' ènga' bhăi ḍă' mowana sang-djhărăghăn nalèka djárèja Matana mandhellik ngabas ḍă' attas, mowana potè olaj, tjolo'na anganga sarta ṭeng-keṭṭeng. Sèngko' njandher, nolongana madjhagha.
