epalong, akalambhi palanèl bhiroe, asalebbăr panḍǎ', akaos ghăḍhoeng, asapatoe tjelleng. Kakabbhi djărèja băbellinna eppa'na dhibi' kalaban arghǎ kentjèng, saessèn ta' aotang.
Djoesoep ladjhoe ngotja: ,,Mandha'ă sennengnga kalamon sèngko' la tao njarè pèssè dhibi'. Tapè na'-kana' boeta mohal sè taoa njarè pèssè kalaban apangghăbăj."
,,Tao kèja, tjong," tja'na eppa'na.
Djoesoep mandheng eppa'na semmo ghetton sambi ngotja: ,,Ponapa abhoeroe maèn panèka anjama apangglǎbǎj, pa'?"
,,O, ta' bǎrijă, na', mara èḍingngaghi. Achmad satèja ta' abhoeroe maèn polè. Achmad satèja apangghǎbăj ongghoeăn kalabǎn ollè pèssè.
Sèngko' atjarèta'a, bărămma ma' ḍă bărijă.
È sèttong arè towan Kontrolír ngomisi sa-dhisa, terro taoa, apa pamengkang-pamengkang paḍă bhersè, sarta apa ètamenè sè băḍă asèlla. Nalèka djărèja Kontrolír ngolatè Achmad, sè pènoddjhoe djoe'-todjoe' è tanèanna.
,,Hé, arapa bă'na ma' ngangghoer bhǎi?" bărijă ḍhăboena towan Kontrolir sambi njemma'è Achmad.
,,Kaoelǎ ta' onèng alako, towan; kaoelă boeta."
Nalèka towan Kontrolír ngolatè, djhǎ' bhenḍer Achmad boeta, ladjhoe nèmbhǎli tarètan bắn éparra Achmad. Nalèka orèng kadoewa djărèja njabis, towan Kontrolír pas aḍhǎboeǎghi bhǎb roma boeta.
