Djha' sakènga sampèjan onèng alolongana kadhi kaoelǎ, tanto onèng bhărăng sè nè-anè, akadhi onèng orèng Papoewa, tanto sampèjan kemboeng."
,,E ka'imma patana naghărăna orèng Papoewa ghǎpa nèka?" tja'na Pa'na Sali.
,,Dǎri ka'dinto djhǎoe-djhǎoe ngatèmor. Tana ka'dissa djhǎoe bhidhǎna sareng tana Djhăbă; ghi' taḍa' pangatoran."
,,Lǎ, marèna kadhi ponapa." ,,Sapanèka: dhimèn kaoelǎ aenneng è Makasar dhǎddhi opassa towan Kaptèn. E sèttongnga arè kaoelǎ èpakon
ak-ngeppak bhǎrăngnga, dhaboena bhǎdhi mèjosa ka Papoewa.
Antara saponapan arè abiddhǎ ladjhoe mangkat nompa' kapal radjǎ; kaoelǎ engghi ngèrèng. Padjhǎlǎnna kapal mantjer dǎ' tèmor, alèbhadhi pan-saponapan polo nè'-kènè', ladjhoe băḍă ghoenong sè katèngal mongghing è tèmor, akadhiǎ sè mo'doel dări dălem tasè'.
,,Lǎ, arowa polo Papoewa ella katon." Sapanèka otja'èpon para mattroés.
