kaḍhang sambi ngabăssaghi mano' kadhoebhoek, sè ngabăng è attas tasè', matana rèk-lèrèkan pas njaop djhoeko' sè ngambăng, èghibă ngabbher kongsè mettèk, pas tjèmot ta' ètangalè polè; torkaḍhăng amboe ngabassaghi djangbadjanganna arè è tasè rap-ghalirabhan tje' bhăghoessa.
Na'-kana' kadoewa djărèja ta' tao djha' padjhalanna ella djhăoe.
Kamma'a ra rèja?" otja'na sè sèttong. Arbidín ladjhoe adhoeddhing ḍă' sèttong kennengngan abăk nambhăn, pasèsèrra rata, è seddhi'anna băḍă ghoemo'na, sambi ngotja':
,,Sèngko' ella tao èntar ḍă' assa; è ḍissa kennengnganna pennjo atellor. Madjoe' djha' èntara ḍă' ăssa nglala' tellorra pennjo!"
Alè'na ghellem.
Sè kaḍoewa ladjhoe anga-bhoenga adjhălăn èntar ka kennengngan bhoeroe. Padjhălănna pa'-kalapa'an ongghă toron lèbăt è to-bato, kadhăng entas è aèng. Ta' antara abit napa' è sèttong telloe' sè èapèngè ghoemo'. È djăḍija tjeddhoe, taḍă' angèn ngalesser, aèngnga rata akanța katja. Kana' kaḍoewǎ djărèja mandheng ka aèng, pas nangalè sampan kènè' ta' li-ghoeliăn.
,,Arowa' sampan, mak," otja'na Amina sambi adhoeddhing.
,,Ah ongghoean," saotta Arbidín sarta ladjhoe ngotja' polè: ,,Paghi', mon sèngko' ella radjă, aghabaja parao tjara arowa', pas ètompa'a ka tasè' bi' bă'na, lè'."
,,Lètjèk; djhă' bă'na kanan bangala nompa' parao," djhăwǎbbhǎ Amina.
,,Bărămma, sèngko' ta' bangal?" sè njaot ḍă' bǎrijă sambi mantjella' polana èapessaghi bi' alè'na, sè ghi' aomor 10 taon, èkotja' ta' băngal," mangka abă'na ella aomor 12 taon.
