tjanḍéla ḍoewǎ mègghi'; sè sèttong bhăngonna masaghi empa'; è attasanna katja djărèja ètaboeri beḍḍhi, pasè kosot ngangghoej katja sèttongnga. Na'-kana' sè agharib bhoeng è djăḍija tjè' tarongghoena sè ngabăssaghi, tapè taḍă' sè ngartèa ka kareppa lalakon djarèja.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Katja ghellă' samarèna èkosot è beḍḍhi, robana ta' djhennèng, tapè potè boereng sarta kasar. Katja djarèja pas ètompangngaghi è peṭṭè (koṭak) ghella'. Pa'na Saníp pas ngotja' sambi akopa' sarta aghella': ,,Lă, satèja ella marè na'-kana'; sakeddjba' agghi' bă'na bhăkal taoa bhărăng sè nè-anè ngangghoej pakakas arèja."
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Marè ngotja' ḍă' bărijă pas ngabăs koṭak djarèja ḍări attas; ropana ghi' băḍă korangnga; Pa'na Sanip pas maso' ka romana ngala' sarong, èkakodoeng; koṭak ghella' èkala' èkodoengè sarong kèja, taoa ka saddjhǎna orèng towa tjoma boengboengnga, sè ngangghoej katjana tas- mak ghella', sè băḍă è lowar.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Na'-kana' paḍă ngalèng-lèngè Pa'na Saníp sarta tjè' addhrengnga sè terrod jărèja.
,,Ah, bhăghoes ongghoe," otja'na Pa'na Saníp sarta ladjhoe ngolok Soeradi: ,,Ḍa' anna' Di, bă'na ollè nèng-ghoe ka aḍă'!"
Soeradi ta' apèkkèr polè pas bhlăs, kebbhăt njono ka
