polè abhăngettan băn sè ella, kongsè èkaèḍing è salèbǎrră tana Parèjangan. Sabăgiăn ḍări lambhoengnga ghoenong băn polo Rakata mosna, ghoedjoer ka ḍălem tasè'; amargha ḍări djărèja tasè'na aghoendjek, ombă'na talèbăt radjă, tèngghina kongsè 24 M. Arossa tasè' tjè' santerra, kongsè alabhăs ka polo Soemattra pèngghir lao'. Nalèka djărèja băḍă sèttong kapal alabbhoe è palabbhoean Telloe' Bettoeng èontallaghi bi' omba' ghăgghăr è pasar patjènan è koṭṭa djarèja. Ko-bengko băn ka'-bhoengka'an paḍă antjor taḍă' karèna ètampek omba'; rèng-orèngnga paḍă dhăddhi koreppanna tasè', taḍă' sèttonga sè lopot ḍări patè. Barija kèja tana pasèsèrra paressiḍénan Bhanten ta' lopot dari pangamokka tasè'; orèng sè matè bădă 36000; ko-bengko padă sèrna; ban-kèban ta' kabilangan sè dhăddhi pakanna tasè'. Ba-saba băn tana laènna, sè bilanna possa' băn men-tamennan tjè' dhăddhina, samarèna èamok tasè' djărèja pas sèrdang sama sakalè, dhăddhi ra-ara beḍḍhi.
È seddhi'anna polo Rakata băḍă polo Sebessi; ghi bilanna orèngnga lebbi 2000; kabbhi djărèja paḍă matè amarghă paleddhoe'na ghoenong Rakata bhoeroe, ijă arèja èodjhănè aboe sarta băto marong pas èlambhas tasè'.
Samarèna agăhbăj katjalaka'an, sè talèbăt radjăna djărèja, ghoenong Rakata sabbhăr polè. Satèja, saellana ollè 32 taon ḍări paleddhoe'na, ghoenong ghellă' ella possa' bi' boe-tomboean; bilă kasonaran arè ropana katon ngabhiroe tjè' assrèna.
Dinèng afdeling Lampong ban tana Bhänten sè èkennèng bhabhădja, satèjanna ella bannja' polè orèngnga, bă-sabă băn na-tana sè laèn ella èbbhă' băn men-tamennan, akanţa ghi bilănna; taḍă' orèng njana, djha' è djaḍijă tèlassa karosakan amarghă paleddhoe'na ghoenong Rakata nalèka taon 1883.
