Pappó! bhoengana aèng ta' ra-sakèra, polana tao kalowar ḍări papetteng, ladjhoe tja'-lontja'an, băḍă sè ngèndoe e panassa arè; bădă sè terros aghili apolong băn tja-kantjana alèbădhi bhăng-kembhăngan ana-bărna, sarta njèramè ḍăoenna boe-tomboeăn sè mongghing è pèngghirră songaj. E salandjhăngnga djhalan atjampo băn aèng ḍări li-ghilian laènna, molana bit-abit songaj djărèja atamba lèbăr.
Bilă aèng djărèja aghili è pamengkangnga orèng atamba lèboer, sabăb bannja' na'-kana' paḍă èn-maènan è aèng. Torkadhang aèng djărèja ngontja' ḍă' attas, semmona ngabălă'a kabhoenga'anna ḍă' arè otabă ḍă' ka'-bhoengka'an. Paghilina atambă djhăoe sarta atambă bănnja' bhărengnga, sabăb è lăn-djhălăn atempor băn aèng ḍări soksok sè laèn.
4. Pangombhărănna aèng satjaptjap. (Totokka bhăb 3).
Ḍări djhăoean aèng ghella' nangalè bengko radjă è ondjhoerra; rassana masè bhăkal èkennènga bhentor.
Marèna ongghoean. Sanapa'na sakandjă tao-tao aèng djărèja ghăgghar aghili ḍă' băbă dhăddhi ghăroedjhoeghan abhentor roḍă, sè tje radjana. Sakèng bhantera paghilina aèng, roḍă djarèja pas apèddhel. Dhinèng ḍă-roḍă laènna. sè asambhoeng băn roda radja ghella' ijă pas paḍă noro' apèddhel tjè' santa'na.
