117
Bhăli, tolèsan è ra-kara, sè la boetek, tjoma èkosot bi' aèng bhai, ijă pas moddha.
È djhaman satèja ra-kara rèja para' ta' kaanghoej polè, sabab la bada dhaloebang. E ma'-dimma'a kennengngan mastè băḍă dhaloebangnga, somèlè è dhisa kènè', sè djhǎoe băn koṭṭa, ijă bădă orèng adjhoewal dhaloebăng; arghana tje' modana, sanèjap orèng kellar mellé."
Nalèka ghoeroe sè atjarèta ghi' bhoeroe napa' sabǎrijă, Armini nongghoel tanangnga sambi mator ka ghoeroena: Dhaloebang panèka èkabhadhi dari ponapa?"
Sè bănnja' dari djoe-ladjoeänna angghoej ban bing-rambing, băḍă kèja sè dari kadjoe, kolè'na kadjoe otaba dhărămèjan. Arèja sèngko' andi' dhaloebăng kolè'na boekoe èkaghabaj dari dharamèjan; tèngghoe, rèja ghi' båda dhară- mèjanna. Tapè dhaloebang, sè los-alos, akanța dhaloebăng tolès, èkaghabaj dari rambing otaba djoe-ladjoeanna angghoej. E dinna angghoej sè la ladjoe ghi' padjoe èdjhoewal, apa polè è naghara, sè bada pabbrigghä dhaloebang, djoe-ladjoeanna angghoej. kalamboe ban djoe-ladjoeänna baboed- dha moebin ban èn-laènna èpapolong èdjhoewal ka pabbrik tjè' padjoena.
Satèja sèngko atjarèta'a ghalloe bhab aghabaj dhaloebăng sabelloenna badă pabbriggha.
Momolanna djoe-ladjoeanna angghoej otaba bing-rambing, sè la èpapolong djarèja, èsassa kongsè tjè' bhersèna, pas èpèlè, sè potè èpapolong ban sè potè, sè abărna èpalaèn. Tong-sèttongnga matjem èbegghă kongsè pan-barǎmpan mènggoe, sopadja molpola.
Samarèna djareja pas èsaba' è sèttong bäddha ngangghoej ghilingan abhängon tjara salènder; sakobhengnga èpasangè laddhing adjhir-djhidjhir. Mon ghilingan djärèja èpadjhălăn, pas apèddhel, bing-rambing ghella' leddjhar amargha èkennèng laddhing bhoeroe akanța sè ètjattja;
