115
kabhoenga'anna. Panompang laènna pada lèboer nga- bassaghi.
Kaotja'a kapal sè ètompa' sinnjó djarèja sè aladjar la ollè doe arè doe malem. Paladjärrä napa' è tengnga saghară, tada polo otaba dharadhan sè ètangalè, sè katon tjoma langnge ban aèng. E sèttongnga arè badja malem kana' kadoewa bhoeroe la njèddha; dhinèng Sidín tèdoeng è aḍă'anna labangnga kamar. Nalèka djarèja è dalem kapal bada sowara rèng-tjerrèngan: "Katonon! Katonon!" Sidín takerdjhăt, pas djhäghå; rèng-orèng laènna ijă barija kèja. Sowara è dalem kapal tjè' rammèna. Sidín ghăntjangan maso' ka kamar; sinnjóna èsapo'è pas èkeppè'è lengngenna saladja èbang, èghiba berka' ongghă ka ḍèk. E djadija Sidín nangalè apoj è dalem kapal tjè' dhaddhina, ladjhoe berka' ka kennengnganna sakotji partolongan. Sanapa'na è djadija sakotji la pada èpatoron, la-mala bada settong sẽ la tjèmot; sè laèn ghi rapet băn kapal, tapè la possa" orèngnga, tjoma karè sèttong sè ghi' ngennèng mowa orèng sèttong agghi'. Sidín ta' apèkkèr polè, sinnjóna èdjhoengdjhoeng ghan sèttong è ontallaghi ka sakotji sambi ngotja': "Panèka', tarètan, tolongè; kennengnganna orèng sorang tanto kennèng èkennengngè na'-kana' kadoewă."
Nalèka sinnjó djărèja la salamet napa' è sakotji, aèng la para njètjèpa ka bibirra sakotji, sakèng saratta. Sidín ngartè, opama aba'na noro'a alontja' è djadija, tanto sakotjina kellem, dhaddhi nèkat njèttjèr è kapal, sè èamok băn apoj, sambi ngotja': "Selamat djalan, njó."
Sakotji ladjhoe adjhălăn ghantjangan tako' èkennèng djhilat ban apojja kapal. Baramma Sidin? O, nèser, ongghoe. Sinnjóna lok-olokan, Sidín èsoro noro'; tapè ta' paghoena. Ḍări djhãoean apojja kapal ghi' ètangalè lap-ngolap talèbăt nako'è; tapè sadjan abit sadjan kènè',
