104
kongsè massa', ènjamaè lolo. Dhinèng lolo djărèja èbǎddhǎi kas èghiba ḍă' kennengnganna tokang bato, masanga tèmbo'.
Bit-abit rèd-morèd kellas tèngghi tjè' sarmona bän mandoer sè adjaga è djadija. Maskè bannja' na'-kana' sè paḍă nèngghoe, tapè ta' rok-ngèrok orèng alako. È sèttong tèmpo, parappa'na rèd-morèd nèngghoe polè, Somarha atanja ḍă' mandoer: "Ka', däri ka'imma asalla kapor bhoebhoek panèka ?" Saotta sè ètanjaè: "Bikan ghi; towan sè narèma bhoebhoek ghanèko è seppoeran. Dari ko'imma datengnga, boelă ta' tao. Tjatja' mator bhai ka ghoeroena, tantona tao è ko'imma asalla."
Bhăreng rèd-morèd la maso' sarta pada todjoe' è băngkoena bang-sèbang, Somarha atanja ka ghoeroena asalla kapor bhoebhoek ghella'. Maskè ghoeroena ta' nerrangngaghi sakala djarèja, tapè rèd-morèd pada bhoenga, sabab ghoeroena adjhandjhi, rèd-morèd è arè Ahad dăteng èadjhagha èntar ka pangobbhäränna kapor, sarta păḍă èsoro njango pèssè satjokoppa kabellina kartjissa seppoér èntar molè, ta' parlo nja'-bannja'; djadija ollè djharna' sè adjhawab patanjana Somarha.
Orèng towana rèd morèd ija bhoenga ana'na èpangèrènga ghoeroena èntar län-djhalanan sè aghoena ka pangadjharänna, molana èèdhinè sarta èsangoè pèssè kabellina kartjis.
Bhareng napa ka arè sè ètantoaghi na'-kana' ghella' apolong è tapsioén; sabannè bäda sè èaterraghi orèng towana ghan tapsioén. Nalèka seppoér mangkat na'-kana' paḍă aba'-koba'an da' orèng towana, sè malessè aba'-koba'an kèja, pada tjè' bhoengana. Rèng-orèng karassa è ḍălem atèna noro' bhoenga. Neng è seppoér na'-kana' paḍă atjatja, bada sè aghadja, kongsè ta' èkarassa djha' seppoérra la semma' da' kennengngan sè èsaddjha. Saked-
