23. Sambhoenganna bhăb 22.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Soekoer aghibă tamojja ka sèttong kamar tje' bhaghoessa sarta legghǎ, băḍă mèdjă radjana èkolènglèngè korsè ghoes-bhăghoes. Ghebbhloegghǎ èrengghǎ băn bhar ghambhar sè ngadjoendjoennaghi. Kadir njatjak ngangka' sèttong korsè, tapè ta' ka-angka', ladjhoe ngotja': Pó, korsèna ma' tjèkka', pa' ?" Eppa'na njaot: Mastè bhai, Dír, mon ta' ḍă'bărijă, mon bada omba' radja, kapalla bhănget ghoelina, tanto ngaghalimpangan kakabbhi." Soekoer ngotja: ,,La, nèko kamar makan; napè dhika tao, è ko'imma sè ala-ola?" Tamojja sè katello djärèja saongghoena ghi ta' apèkkèr, mon orèng nompa' kapal mastè ngakan kèja, molana bhareng ngèding patanjana Soekoer bhoeroe abak tatjengnga' sambi ngabas ḍă' sè atanja. Soekoer ngartè ka kareppa, pas njambhidhi patanjana dhibi': ,,Aba, tanto dăpor kennengnganna orèng ala-ola, ta' èngghi?"
Na-kana' sè kaḍoewă ija tao djha' ḍapor rèja kennengnganna orèng ala-ola, tapè mon è ḍălem kapal băḍă dăporra, djärèja sè ta' patè èkapartjadja; èkèra Soekoer tjo-ngotjo, mohal è kapal baḍă'a tomangnga. Tapè saongghoena ijă băḍă: la-mala bănnè dăpor bhai sè băḍă, kandhangnga sapè băn adjam ija ghenna'. Kalamon kapal aladjară djhăoe, ra-kèra abit neng è djhälän, ijă ngèbă sapè, adjăm băn kèban sambhellian laènna. Na'-kana'
Pangghellar Bhoeddhi. I. Mad.
7
