AGA PA GID KAAYO nagmisa na si P. Salví kag sang pilá ka minuto nakahugas na siá sang pilá ka kalág nga mahigkò,1 nga ini indi sa iya kinabatasan.
Sa iya pagbasa sang pilá ka sulát nga natakpan kag naalakri hán sing maayo, daw nadulà ang luyag sang talahàon nga kura sa pagkaon, nga pinabayaan niya ang tsokolate nga bug-os magbugnaw.
—Ang pari nagamasakit, silíng sang kosinero samtang nga nag-aman siá sing isá ka tasa-May pilá na ka adlaw nga walâ siá makakàon; sa anum ka pinggan nga binutáng ko sa iya latók, wala niya matandog ang duhá.
—Indì maayo ang iya pagtulog,-sabát sang sulogùón – ginahukaw siá kon kagab-ihon kutob nga nakasaylo siá sa isa ka hulót nga tululogán. Ang iya mga matá nagaamát dalum, naganiwang adlaw-adlaw kag tamà na sa iya ka dalág.
Sa pagkamatùod, makaluluoy nga tulukon si P. Salví. Walâ siá sing luyag bisán magtandog sang ikaduhá nga tasa sang tsokolate, bisán magtiláw sang mga ohaldres gikan sa Cebu:2 nagadayandayan siá nga may ginpanumdom sa tungâ sang malapad nga kadak-an nga ginkumos niya sa iya daw tul-an nga mga kamót ang pilá ka sulát nga ginliwátliwát niya sing basa. Sa katapusan pinahandà niya ang iya karwahe, naghimos siá kag nagmandò nga idul-ong siá sa talunan diín makità ang palhi nga kahoy kag sa iya mga kaingod ginhiwat ang isá ka badù nga umanhon. Umabot sa duóg, pinabalik ni P. Salví ang iya salakyan kag sumulód nga isá lamang sa talunan.
Isá ka masagil-um nga banas bumokás sang mabudlay nga alagyan sa madamol nga mga gamhon kag nagpadulong sa isá
_________________
(1) Paghugas sang mga kalág nga mahigko — Ini nga sari sang pulolungon ginatawag sa kinatsila nga perifrasis, nga isá ka pasibudsibod nga panaysayon nga sareng man lamang mahambal sa pilá ka taga.
(2) Ohaldres gikan sa Cebú - Ang pilá ka sugbuhanon nabantugán sa pagpanghimo sang mga mananám kaayo nga kiso kag isá ka manamit kaunon
nga kalan-unon nga ginatawag nga ohaldres, nga naluyagan kaayo sa Manila.— 198 —
