—Sugot gid ako! — Sulit sang gobernadorsilyo: kon sayuron . . . indi ako magsugot . . . nagasillng ak6 nga hilo, apang . . .
Kag pinahiran niya ang iya naga mata sang likod sang iya kamot.
—Apang ang kura, — padayon niya nga masulub-on, — ang pari nga kura maluyag sang iban nga butang.
—Ang kura bala ang magabayad sang pandot ukon kita ang magabayad? Nakahatag bala sia sing maskin isa lamang ka sikapat? — Singgit sang isa ka tingog nga nagpalanglapos.
Ang tanan nagtululok sa duog diin naghalin ini nga mga pamangkot: didto si Pilosopo Tasio.
Ang tenyente mayor wala magliulag nga ang iya mga mata nalansang sa gobernadorsilyo.
—Kag ano ang luyag sang kura? — Pamangkot ni kapitan Basilio.
—Hanti ang pari nga kura maluyag sang... anum ka prosesyon, tatlo ka wali, tatlo ka dalagkb nga misa . . . kag kon may mabilin pa sang kwarta, komedya sang Tondo kag mga ambahahon nga bal-utbal-ot.
—Indi kami sina maluyag! — Hambal sang mga pamatan-on kag sang pila ka tigulang.
—Luyag ina sang pari nga kura! — Sulit sang gobernadorsilyo. — Gintug-anan ko ang kura nga tumanon ang iya luyag
—Hanti, ngaa man nga ginpatipon mo pa kami?
—Amo man gani... agud ihambal ina sa inyo!
—Kag ngaa man nga wala nimo ina pag-ihambal sang pagsugod nga daan?
—Luyag ko ina ihambal, mga giniio, apang si kapitan Basilio naghambal kag wala ako sing panahon . . . Dapat tumanon ang kura!
—Dapat sia tumanon! — Sulit sang pila ka tigulang.
—Dapat sia tumanon, kon indi bilanggiion kita tanan sang alkalde — masulub-on nga sugpon sang iban nga mga tigulang.
—Hanti tumanon ninyo kag hiwaton ang pandot nga ka-
