59
È kala sèttong arè Humphrey djoe'-lodjoe' sambi o'-rao'an, djhoeghă taḍă’ orèng so onènga ḍă’ kareppa kana' ghăpanèka. Jakob Eduard ghăsèk atanja parlona bhărăng sè èrao' bhoeroe, nangèng Humphrey matetteng ta' poron atotoran. Ta' abit abǎ'na pas njambhit djhoeghăn: „Ta' aghǎbăjă apa, tjoma sakèng o'-rao'an bhăi. Laèn arè bhăi so sèngko' èkabǎlǎ'ă parlona, mon tang karep èparèngè kabbhoel; ljǎ mon endjă', pangghăbăjǎn arèja taḍă’ ghoenana. Jakob sènga', lă, mon èntara ka Lymington djhǎ' kaloppaè sèngko' mellèaghi boedjă, èpangassèna dhăghingnga băbi. Dhinèng mon la èassèn pas èkokosaghiă; bilă pangghăbǎjǎn djrèja bettjè' dhăddhina, ghădjhina èpabărijǎ'ă kèja. Bărămma, Alice, bă'na mofakat? Bi' sèngko' pas èghǎntonga èattas lotèng; mon sèngko' ḍăteng abhǎbhoeroe ta' ollè pa-apa, bă'na njaman ngala' dhăghing djǎrèja, mon ta' nogghǎ, ngala' korse."
Alice njambhit: ,,Ijǎ, mandhăr katekkana bhălăka badjhǎddhă bǎ'na djrèja.
Humphrey ngotja: „Tja'na bă'na mon orèng ngokossaghiă ghădjhina bǎbi sopadjǎ bhaghoesa dhǎddhina, ngangghoej kaḍjoe esch, ta' ijǎ, Kob?"
Jakob njambhit: „Ijă, mara, bilă bă'na ngokossaghiă èbălă'ǎna djhălǎnna; lambǎ' emboe' ijă tao ngodddhi bǎrija kèja, bhaghoes ollèna."
Humphrey ngotja' sambi mameltas rantja' sè èrao': ,,Kèra sèngko' bhăghoes dhăddhina kadjoe rèja; mandhăr kabenḍerrǎna, lǎka !".
Edith atanja: ,,Humphrey, ghăbăjă apa djrèja?”
Saamponna marè sè arao' rantja', pakakassa pas èparèngkes; otja'èpon ka Edith: „mon bǎ'na terro taoa ghocnana, tanja’aghi bhai ka koljengnga djrèja.”
Kalagghoeǎnna Jakob èntar adjboewǎl dhăghinguga ka Lymington, papalèmanna ollè bhǎrăng kabhoetoanna tjompo'na sareng boedjǎ, sen-pessenna Humphrey. Saamponna Jakob ladjhoe asoro njambbelli bǎbina. Sareng ampon marè èbhelli, dhăghingnga samarèna èra'-kerra', ladjoe èassèn sareng Humphrey, namong èkaḍoewǎi sareng Eduard, Jakob ta' kèngèng nolongè, marghǎ sakè. Kalagghoeǎnna polè Humphrey kalowar ḍări tjompo'na bi'-dhibi'ăn, abhǎkta pakakassa se bǎ'ḍri' ka'dissa, sè ghi' taḍă' orèng onèng ka ghoenăna. Papalèmanna Humphrey ollè terwèloo (arnep) sèttong, pas èsabǎ' è
