51
BHÂB SÈ KAPÈNG ENNEM.
Katjatora Alice sareng Edith saklangkong terrona sè nèngalana sapè sareng boeḍoe'na, djhoeghǎ ta' èbǎghi sareng Humphrey, amarghǎ tako' èsoḍhoek, manabi ta' asareng abǎ'na. Samarèna neḍḍhă, sè katello pas èntar ka alas, nèngalana sapè sè kèngèng tèngghăr ghellǎ' angghǎrowa, băḍă sè ngèbǎ tèngghăr, bǎḍă sè abhǎkta djikar. Sanattolla ka'kassa, sapè ghi' èpangghi djheng-mandjheng sam- bi djhǎr-ghǎlǎdjhir ḍără, nangèng ghi' kabǎsa njoḍhoeghă, băkto èpara'è. Jakob masènga' ḍa' sè kaḍoewǎ; „Maskè la hǎrijă, sènga' bi' te-ngatè bhăi, sabab ngastètè rèja taḍǎ' djhoebǎ'na, djrèja bboengkana kaslamettan. Eduard, sapè rèja sanaddjhăn èpennenginga bărijă bhai, ta' boeroeng matè kèja, amarghǎ la kabǎnnja'en kalowarra ḍǎrǎna, nangeng ella mara pasang bhǎi, mè' ta' njanḍhăng sakẻ' bit-abit." Eduard ta' ngantos panapa polè, pas terros masang sapè ghǎpanèka, kantos matè.
Humphrey ngolja': „Sarrèna bă'na so Jakob la segghoet ollèan mandjhǎngan, sapè rèja èkala'a sèngko', dhinèng mon bă'na ngennèng mandjhǎngan polè, engko' ta' ngamponga."
Jakob njambbit: „Ijă mara, arèja băgiănna bă’na.”
Eduard ngotja: „Tang băgiăn èkala'a sakalè?”
Humphrey „Ijă, dhăghingnga so sèngko' èdjhoewălǎ kabbhi, ollèna pas èkabelliă bheḍḍhil otabă bhǎrăng laènna, sè aghoena ka sèngko'."
Jakob njambhoengè: „Mon bărijā kareppa bă'na, sèngko' senneng. Mara, la lèt-kolèt sapè rèja!" Sareng ampon marè, dhăghingnga ladjhoe èboewǎ' ka djikar, terros èbhákta palèman.
Kalagghoeănna Jakob adjhoewăl dhaghing ghǎpanèka da' Lymington, ollèna săbagiăn èkabelli sen-pessenna Humphrey, èngghi panèka pennaj ḍoewă' sareng èmbèr, èkabhăḍhiă băddhăna aèng soso. Paplèmanna Jakob tje' bhoengana, amarghǎ karèna pèssèna ghi' bănnja'. Sapè sareng boeḍoe'na è arè ghǎpanèka sareng Humphrey ta' èngo'-tjong- ngo sakalè, otja'èpon ka Jakob: „Lagghoe' tang sapè masṭè la notot.”
,,Ija, anangèng mon boeḍoe'na ta' èpakanè, ta' boeroeng matè," tja'èpon Jakob.
