Shamponna marè balki sapanèka, na'-kana' sè kaempa pas paḍă alalakon băng sèbăng. Suabiddha ala-ola Jakob sambi morok na'-kana' ghăpanèka bhăb kalakoan è po'-tjompo', kadhia: asapoan, ase-bhersè è dapor. Alice èennaè sa'-sassa'an, Humphrey aghebbhǎsi korsè, mèdjā sareng salaènna. Panḍă' na'-kana' se kaempa ampon pada kabagian kalakoan băng-sèbăng. Pangghăbăjăn ghǎpanèka paḍă lakone kalaban ghoe-ongghoe atè, panapa polè kadhik sambi areb bhoe' djhoeng saèan ollèna sè alalakon, kadhi adhăddhă na'-kana'. Edith sarrèna ghi' kana', tadǎ' laèn lakona: kadjhăbhǎ èn-maènan, tja'-lontja'an sareng pa'-kopa'an ḍări bhoengana: Sareng sè èola ampon para' massa'a, Eduard dădheng abălă ka Jakob, manabi băḍă bhǎlă djhărǎnan ngombăr ḍări alas. Jakob pas dhoeli kalowar anjata'aghiă otja’na Eduard ghǎpanèka. Éghika'ijă abǎ'na nèngalė doe-sardǎdoe djhărănan meddhăl ḍări alas, bhǎdhi lèbǎdhă èaɖă’na tjompo'na. Jakob èngghăl lehbhoe ka romana polè, ngotja' ḍă' na’-kana' sè băḍă èdǎlem: „Dǎgghi' doe-sardǎdoe ghǎrowa ta' boeroeng adjhǎloedhak ko'andjă; molana dhika bi' tè-ngatè, toro, otja' boelă, Humphrey so trètan bině na sè kaḍoewǎ kassa ongghă ka randjăng, abhoeloen bhoeko, kè'-masakė. Dhinèng dhika Eduard, njandhing èseddhi'na sambi ngangghoej klambhi boelă, sè tornan èangghoeji abbǎbhoeroe ghårowa. Edith, pon-empon, na', doeng-tèdoeng, dhågghi djhăghǎna maddha pas ngakan." Saamponna. marè èbălăi sa panèka, na'-kana' sè kaempa: ladjhoe èbhakta ka katėdoenganna. Humphrey, Alice sareng Edith pas paḍă ongghǎ ka randjǎng, èsapo'è eddik kantos ghăn kopèngnga, sarta paḍă taḍă' sè aghoeliana akadhi rèng sake' ongghoeăn; dhinèng Eduard saamponna asalènan angghoejja Jakob, sè lobhoek kantos ghan to'otta, njandhingè tan-trètanna sè kè'-masakė sambi negghoe' ghellås; Jakob ngala' pèrèng sè bădă è mèdjă, èrèngkessé. Ta' abit abǎ'na pas: mèreng monjèna kokotta djhǎrăn; sakeddjhǎ'agghi pas băḍă orèng nokţok lahăng.
Jakob njaot:,,Sèra èlowar labăng, njara longghoe!"
Pangradjana bhălă djhărǎnan marèksa sambi maso' ka roma:,,Sapa bǎ'na kantja?"
Jakob mator:,,Orèng mèskèn, tokang djăgăna alas panèka, mankèn kalerressan mangghi kasosa'an."
,,Kasossa'an apa?" ,,Na'-ana' dhi-dhǎlem èpangghi aboe."
