atèltèla sè anja-tanja, sabǎb manabi nèngalè panja-tanjana, Clara lakar anèjat ngangorosa. Sarengngan polè para maos moghǎ ngaghăliǎ, djhǎ' Eduard sareng Humphrey dhâddhiǎ sakoně' lakar ghadhoeăn sakè' atè, amarghâ tana Arnwood sè èpondhoet towan sè ngobăsanè alas, ma'loem djhâ' rèng kabit dări ghi' kona mola tana ghăpanèka padjhåt kaaghoengannèpon ba-embana sareng djoe'-djoedjoe'na Eduard sareng Humphrey. Kadjhǎbhă dări ghăpanèka Humphrey ghadhoeăn pangèra, Eduard sè anglo, lantaran ta' katampan ka Patientia.
Sareng Clara lebbhoe ka romana, Humphrey pas maso' ka kamarra Eduard polè. Saklangkong bhoengana kana' panèka sareng mangghi Eduard atjatja sareng Oswald. Eduard sareng néngalè alè'na pas adjhoeloe tanangnga sambi ngotja sapanèka: „Lè', sèngko' masè dhoeliă bărăs; kèra sèngko' ta' abit polè la ngennèng ondhoer dări dinna'. Nangèng bădă sè èkasossa sèngko', ijâ arèja: tako' towan pas atanja parkara Alice so Edith sè tada è Alas-anjar otabâ hal èn-laènna. Marèna sèngko' pas matora bărămma? Parkara towan sè mondhoet tana Arnwood la djhâ' ghel-kapegghel ghoe-ongghoe, amarghâ towan lakar ta' tao, djhǎ' sẻ andi tana djărèja ghi' bădă potona. Ébă-rabărijă, sèngko' ghi' pagghoen ta' ghellem mon èsoroa tanet neng-dinna', apa polè sèngko' la ta' èkabǎnoè anana. Molana mon sèngko' ghi' ta' ondhoer dări dinna', bâ'na djhă' adjhălănan dări dijă, otabă mon băʼna terro djâr-klèndjără, Oswald soro noghoei sèngko', parlona sopadjă towan otabă laènna mon èntar kandjă, ma' ta' ngennèng anja-tanja pa-apa ka sèngko'. Parkara rèja sèngko' ghellâ' la ngotja dâ' ka Oswald."
Humphrey: „Ijă, ghellâ' Clara la marè anja-tanja ka sèngko', parkara Alice so Edith sè ngallè, sèngko' ijă abălă, nangèng sambi dhi-maseddhi, tako' kana' djârèja ta' amboe sè anja-tanja."
Kalaèpon dokter dâteng marèksa Eduard, adhâboe, manabi abăʼna ampon bărăs; Eduard èngghi arassa djhoeghăn djhâ' ampon ghăng-ghâng, namong ghi' gheddhoer: sabătara arèagghi kèngèng èarep dhoegbǎghessèpon polè.
Eduard pas asoroan Oswald njambhăngè tjompoʻna, sareng nèngalè Pablo. Sanattolla Oswald, kabădă'ăn è tjompona èpangghi padă saè, pangghâbèjănnèpon Pablo èngghi saè djhoeghăn. Kana' panèka ropaèpon senneng, nangèng sè rep-ngarep dătengnga Humphrey ta' pegghâ', amarghă abă'na arassa tjè' soboengnga neng-enneng bi-dhibi'ǎn.
