Ta' katjatora sossana atèna na'-kana' sè katello, sareng ampon apèsa'a. Saamponna marè apamètan, Alice sareng Edith pas mangkat ka Lancastershire, Humphrey palèman ka Alas-anjar.
Sanattolla ka tjompo'na Humphrey saklangkong takerdjhât, sareng onèng, djhâ' Eduard tadâ' è tjompo'na, dhăddhi ta' nepteppè somadjâna. Humphrey pas terros nompa' djhărăn njabisă ka dhălemma towan Kobăsa. Elowar labâng Humphrey apangghi sareng Oswald; Oswald abâlâ, manabi Eduard anglo sanget, kantos ta' émot orèng. Humphrey èngghâl toron dări djhărănna, sarta pas lebbhoe ka kamarra Eduard. Sanattolla, Eduard èpangghi ampon bhet-tasambhet. Dhinèng sè adjăgă Eduard abdhina towan Kobâsa sè anjama Phoebe.
Humphrey ngotja' ka Phoebe: „La dhina, ondhoer, sèngko' sè adjăgă'ǎ."
Phoebe pas kalowar; Humphrey sè adjăgă trètanna sambi atjap-tjapan aèng tèngal. Sakèng sangetta panas, Eduard kantos tjam-njatjam; sè ètjatjam èngghi panèka Patientia, njamana dhibi': Eduard Beverley, sarengugan polè asmana kaina sarengtana Arnwood. Humphrey ngotja' dălem atèna: „Pya, tjalaka, mon terrosa bârijâ bhăi, rosèjana mon ghi' ta' taboekka', tanto bhakal taboekka'a. Sèngko' bhâi ta' aghindjlhegghăna dări dinna' sarta mon bădă rèng lebbhoeă, mon ékennèng èlanglanga."
Ella' saeddjhăm bădă dokter. Eduard èparèksa paghellângannèpon, terro onènga panjakètta; sarta atanja ka Humphrey, ponapa abăʼna sè adjăgă.”.
Humphrey mator: „Kaoelă tarètanna."
Dokter: „Sapo'è bhǎi trètanna djărèja, mè' ollè metto pello; mon la kalowar pello tanto ollè pèndhă.”
Saamponna dokter pas kalowar sarta adjhandjhi, djhǎ' mangkèn lem-malem njapota.
Ella' doe eddjhăm Eduard molaè mes-ngaremmes pello; naddjhăn abâ'na ta' poron ka sapo', djhoeghǎ sareng Humphrey èpaksa èbhoeko'è, ta antara abit pellona ampon ngerraj. Humphrey saklangkong bhoengana nèngalè trètanna mandi pello, pas asokkor da Ghoestè Alla, otja'na: „Saklangkong, Ghoestè, moghă pas èparèngana bârâs."
Saamponna marè ngotja' sapanèka Humphrey pas mèreng sowarana orèng èboedina, sapanèka: „Bărămma, bha' la băda'â korangnga?"
