pas mangkat, Parkara panèka bhoenten ta’ sakèng ta’ ghăḍhoeăn pessè, djhoeghă sakèng lakar ètengnget, sabăb sè katello paḍă njango pèssè bănnja. Toro’ djhălăn sir-opsir sè katello taḍă’ amboena sè sak-njaloksak neng-kennengngan sè èlèbădhi, sopprèna sopadjă onènga ka kennengnganna bhălăna Gromwell. Sareng sè adjhălăn ampon ollè pa’ arè, (è salandjhăngnga djhălăn polana akadhi băḍă sè èsarè’e), ta’ abit nattol ḍă’ pèngghirră’ Alas-anjar sarta pas paḍă ngètek èghika’ijă, kantos malem. Eduard ngadjhăk ḍă’ tja kantjana monḍhoek è tjompo’na; abittèpon ta’ nganggherri. Eduard băḍă sè èkasossa, èngghi panèka: kadhi ponapa akalla sopadja tjetta’a ka orèng bănnja, djhă’ towan Kobăsa ta’ onèng sareng ta’ noro’ tjampor ḍă’ ponapa sè ampon èlakonè Eduard. Eduard asaddjhă palèmana è malemg ghăpanèka djhoeghăn, sopadjă kalagghoeănnèpon kèngènga njabis ḍă towan Heatherstone, parlo matora onèng, manabi Cromwell oenggoel perrangnga sarta njarèla'aghiă bhăb paperrangan è Worcester. Abă’na sè njabisa ka towanna ta’ klabăn asalènana angghoej ḍhimèn, njopprè ta’ ètarka’a orèng, djhă’ abi’na bhoeroe marè nolongè Sang Radjhă. Bădjă malem Eduard sareng kanijana sè kaḍoewă pas terros palèman,
Katjatora Humphrey sareng Pablo è băkto ghăpanèka ghi’ ta’ tèḍoeng, djheng-mandjheng èaḍă’na labăngnga. Ta’ abit kana’ kaḍoewă panèka pas mèreng kasa’na djhărăn berka’ sareng peḍḍhăng sèng krèngsèngan, Humphrey sareng Pablo tako’, sanget takerdjhăttèpon, ladjhoe èngghăl lebbhoe ka romana akantjèng labăng. Djhoeghă sareng èkèra ta’ njaman, pas kalowar polè neng-enneng èaḍă’na tjompo’na. Ta’ antara abit Humphrey mèreng rèng to-katoan abă’na, sowarana tje' paḍăna sareng Eduard, ‘mèlana pas ta’ tako’ polè. Eduard sareng tja-kantjana sanattolla ka tjompo'na, pas toron dari djhărănna. Saklangkong bhoengana trètan sè kampa, sareng tapangghi polè. Eduard ngotja’: ,,Lè’, tang djhărăn so djărănna tja-kantja rowa palebbhoe dhălloe ka ghḍḍhoeghăn, mon la marè, madjoe sèngko’ pas mènta’a nasè’na, krana sèngko’ tjè’ laparra, mara apa sèngko’ so tja-kantja djrèja ḍălem tello arè tao rassana ngakan njaman,”
Kalana Humphrey sareng Pablo malebbhoc djhărăn sè tello’, Alice sareng Edith nata ḍhă’ăr è roma. Sureng ampon marè, Eduard sareng tja-kantjana pas lebbhoe ka romana sarta ladjhoe paḍă neḍdḍhă, Sakèng laparra moj-tamojja sè adha’ăr ta’ kaḍhik aḍon-djanḍon sakalè,
