Chaloner: ,,Kèḍi’ lem-malem nambhinna ḍâri ka’ḍinto namong băḍâ pardjhălănan sabătara eddjhăm bisaos. Lagghoe’ kaoelă sareng sampèjan ampon kèngèng miso’, sabăb bhălă karadjhă’ăn padjhălănna ghăntjăng.”
Eduard: ,,Moghă-moghă saos.”
Sè asa-gessa abiltèpon kadhiă băḍâ saeddjhăm; Eduard sareng Chaloner pas paḍâ mapan tèḍoeng.
BHĂB SÈ KAPÈNG SANGA’,
Bădjă ghi’ agghoe sabelloenna Chaloner sareng Eduard ngèḍing, băḍâ konkonanna Djèndral Middleton abhăkta sorat. Monjèna sorat, bhălă karadjhă’ăn malemma nambhănna ḍâri Portlake ra-kèra ta’ napa’ pardjhălănan ḍoeeddjhăm. Eduard sareng Chaloner èsoro asalènan angghoejjă Chaloner, Saamponna marè asarapan, sè kaḍoewă pas mangkat ḍâ’ kennengngannèpon bhălă-tantrana Sang Radjbă. Sanattolla Chaloner sareng Eduard ladjhoe njabis jă’ Djèndral Middleton èèrèng ornassa. Djèndral saklangkong bhoenga ghălina ngolatè Chaloner, aboe-èmboe sareng ngolatè pottrana Kornèl Beverley, dhăboena: ,,Wa, boelă tjè bhoengana, Chaloner, dhika ḍâteng, lakar empon abit sè èrep-arep so boelă. Boelă sanonto njaḍijă’ăghi bhălă djhărănan, ljap-oljapan sè ngapalaè Hertog Buckingham, nangèng sanjalana sè dhăddbi pangradjăna towan Massey. Sarrèna dhika èko’into bănnè orèng laèn, ollèa dhika njarèaghi orèng sè tes-pantes tor ter-pènter.”
Chaloner: ,,Graaf Derbey ampon raboe?”
Middleton: ,,Empon ghi’ agghoe sè raboe, nangèng boelă ghi’ ta’ atemmo, amargha sè mangkat malemwa klabăn soe-kasoesoe.”
Chaloner: ,,Djèndral Leslie ?”
Middleton: ,,Bădă kèja, nangèng robăna masè ta’ renna, bikan marghăna. Ta’ lèboerră sanonto nèko, Chaloner, robăna bhi-kabbhi terro dhăddhiă pangradjă, tada’ sè ghellemma ngala. Naḍḍhă djhă' njabisa ḍă’. Sang Radjhă ghălloe, kèra boclă sanonto pon mèdjhil. Maḍḍbă dhăghi' bhăi aparembhăghăn polè parkara Jaènna.”
Djèndral Middleton pas abhăkta Chaloner sareng Eduard njabis ḍâ’ Sang Radjhă. Djèndral mator: ,,Kaboelă-dhălem băngal njabissaghi kaboelă-dhălem majoer Chaloner; è bhăbhoeḍhoen abdhi-dhălem djoenan-dhălem tanto taksè èmot ḍâ’ bhoeppa'èpon.”
