Eduard: ,,Opsir.”
Chaloner: ,,Sakèng kalèro pamèreng sampèjan, sabăb è antarana sir-opsir sè paḍă sèdhă è paperrangan ghika’ijă, tadă’ sèttonga sè anjama Armitage,”
Eduard: ,,Mangkèn kaoelă matora salerressa. Sarrèna sampèjan ampon aḍhăboeăghi sadhădjăna rosèjana ka kaoelă, dhăddhi kaoelă wădjib mokka’ djhoeghăn rosèja kaoelă ka sampèjan. Saèstona rama kaoelă bănnè Armitage, nangèng......... Beverley, Kornèlla bhălă-tantrana pangèran Robert; Armitage engghănèka namong èbhăḍhi lèng-alèng, sopadjă kaoelă ta’ èkaonèngana rèng-orèng, amarghă kaoelă sareng tan-trètan kaoelă ampon karè èkabharrăghi katonon asareng padhălemman Arnwood.”
Chaloner mèreng totorra Eduard sapanèka saklangkong kasamboe’na pas ngolja’; ,.Aḍoe, băddhinna sampèjan pottrana Kornèl Beverley: èngghi, èngghi. Saddjhek molaè apangghi sareng sampèjan kaoelă nja’-tanja’an èdălem atè: ḍa’-enḍă’a sapa oreng rèja sengko’ ma’ nga’-ènga’! Sampèjan adhăboe Kornèl Beverley, kaoelă pas ènga’ sakalèan saos. Ampon, èngghi, engghi ongghoe; lerres kaoela ḍhingèn sè onèng ka ramana sampèjan ghi’ kana’, nangèng kaoelè ghi' tjè’ ènga’na. Ampon, oḍi’ matè njara djhă’ apèsa! Sadhădjăna orèng, sè mèreng parkara katononna padHălemman è Arnwood paḍă ngèra, manabi sampèjan sareng dji-radjina sèdhă taobbhar sadhădjă; ta’ sakonè’ orèng sè paḍă nangèsè. Ongghoe, djhă’ sakènga sampejan ta’ lapangghi sareng kaoelă, bhai’ ghi’ tepteppa ngangghoej njama Armitage, sanaddjhăn ampon ètarèma dhăddhi bhălăna Sang Radjhă?”
Eduard: ,,Parkara èngghănèka kaoelă ta’ onèng sè motosana, tja’na partèmbhănganna sampèjan, kadhi panapa saèna.”
Chaloner ; ,,Mon tja’ kaoelă, la’ sapanèkana manabi pandjhenneng-ngan kasokan monḍhoet ḍă’ ator kaoelă: pandjhennenyngan saè djha’ rep-ngèrrep njamana sè lerres, ampon mator terros terrang saos ḍă’ Sampèjan-dhălem Badjă, djhă’ pottrana Kornèl Beverley,amarghd ramana sampèjăn‘ panèka orèng sè èsto bhătèn ongghoe ḍă’ Sang Radjhă ghu’ swarghăna; sarengngan salhădjă orèng paḍă onèng ḍă’ ka kasaèannèpon Kornèl Beverley. Mangkèn ampon para’ nattola, èngghărowa’, olalè, manarana grèdjă è Bolton ampon katèngal.”
Eduard sareng mèreng otja’va Chaloner ghi’ bboeroe ladjhoe beng-rembeng nèng tèngulla ènga’ da’ kuina.
