51
Ta' antara abit kana' panèka ampon nattol ḍă' bhoengkana ara, kennengnganna pèssèna malèng dhingèn èngghårowa. Abă'na lè-tolèam dhingèn ka kangan sareng ka katjèr, tako' amè baḍă orèng se njèndhemmè; djhoeghǎ sareng njata djhă' taḍǎ' orèng sabighiǎ, abǎ'na ladjhoe ngala' radjhăng sareng lanḍoe'na, ngalèa pèssè sè èbhendem. Sareng ampon seddheng dǎlemma, Humphrey pas mangghi pette sèttong sarta pas èpaongghǎ èsabǎ' è rebbhǎ. Djboeghă sareng abă'na sadhă mokka'a pettè èngghănèka, ladjhoe nèngalè orèng katello paḍă negghoe' sanapan, berka' sakellarra asaddjha nabanga abǎ'na. Humphrey ngotja' ḍǎlem atèna: "Wa, tjalaka' sèngko', mon ta' dhoeliă boeroe." Saamponna Humphrey maonggbă peṭṭè ka djikarra, pas djhărǎnna ètjongklang ambha' patè. Dhinèng orèng sè katello ghella' aèra' ka Humphrey soro ambue, mon bhoenten, ètèngghără; djhoeghǎ Humphrey ampon ta' mèrengngaghi sakalè ḍă' otja'na rèng-orèng èngghǎrowa, mala djhărǎnna sadjanè èpoppo, tako' dhoengkap ètjapo'. Orèng sè katello sareng onèng djhă' paboeroena Humphrey salo'è santa', Humphrey ladjhoe èpasang ḍări djhăveăn èkatelloè, djhoeghǎ slamet, sèltonga taḍǎ' sè teppa'; Humphrey se boeroe sadjǎn abit sadjăn tjèmot. Sareng ampon djhǎoe, abă'na pas njengket djhäränna sambi ngotja' sapanèka: „Ta' kèra, tjong, bǎ'na sé njapo'a sèngko'; apa polè pèlorra bå'na la taḍă'."
Ta' abit Humphrey pas amboè, ladjhoe atolè, nèngalana orèng sė njerser abǎ'na. Djhoeghǎ sè katello ghapanèka ropana ampon ta' kowat sè nabǎnga terros, melana pas amboe èseddhi'na kennengngannèpon pabhendemmanna pèssė. Saamponna marè boe-amboe, Humphrey pas madjhålǎn djbărǎnna polè; toro' djhàlán pèkkèrra sapanèka:,,Rèng- orèng rowa ta' kèra sè taoa, apa sè èkalè sèngko'. Sèngko' anggher la tao pangetekkanna bhǎi ella; so engko' èatorraghiǎ ka towan Heatherstone. Tanto djrėja bănnè orèng der-bhender, djăhǎt kakabbhi; mon endjă', kadhik matèana orèng. Sè èkasossa engko tako' rèng- orèng djrėja èntar ka bengko, mangka Eduard tada', pas bărǎmma'a sengko'? Kedi' sengko' otaba Pablo ta' ngennèng èntar ka Eduard; mon rèng-orěng djăreja pas dăteng èboedi, sapa sẻ adjăgăă Alice bắn Edith.” Ta antara abit Humphrey nattol ka tjompo'na terros ladjhoe neddha. Saamponna marė neddha, Humphrey pas akanḍhǎ ka Alice halla abǎ'na sè apangghi sareng rèng-orèng dhoerdjhǎna ghella', sarta ladjhoe atanja:,,Pablo èntar kamma?"
