44
Towan Heatherstone adhăboe: „Parkara djărèja sarrena Eduard Armitage la dhǎddhi èssèna bengko ḍinna', mon tja' sèngko’ ango'an ngotja': Patientia bhăi, sambi'na lakar kako mon kadhik ghi' sa'. bhăsa'an."
Patientia: Manabi noro' bhabhoedhoen kaoelǎ èngghi lakar ta' saè manabi njambhăt nona Heatherstone ka kaoelǎ; panapa polè kaoela ampon aotang njabă ka Eduard."
Clara: „Eduard, ngèḍing bă'na, Ard?" Eduard: „ljă, la ngèḍing, dhǎddhi molaè satèja sèngko' njambhădhă Patientia bhăi saterrossa."
Katjatora Eduard sè băḍă è dhălemma towan Kobǎsa, ḍǎlem ḍoewǎ' tello arè saos ampon tjè' peruana, akadhi sè bǎță è tjompo'na dhibi'.
Sabbhăn ghoe-lagghoe Eduard èpakon nolès sorat doewǎ' otabǎ tello mègghi'; sareng ampon marè, abă'na pas kalèllan djăr-klèndjăr sakareppa. Bijăsana Eduard manabi pènoddjhoe tadă' lakona, pas aḍun-djanḍon sareng Patientia sareng Clara, kana' sè katello panèka sakèng rokonnèpon kantos kadhi trètan lerres. Towan Heatherstone ₫hăng-kaḍhăng atanja ḍă' Eduard, manabi terro abhǎbboeroeă sareng Oswald. Towan Kolăsa kaghoengan djhărăn sèttong radjǎ tor saè, èbhadhi tjaḍhǎnganna Eduard. Eduard ghǎsèk aklèndjărăn nompa' djhărǎn asareng Patienti sareng Clara. Ḍări sennengnga Eduard ta' èghǎrǎssa djhă' ampon ollè pa' bhellăs arè è badă è dhǎlemma towan Kobăsa, melana ladjhoe aparmèsi palèmana. Patientia sareng Clara njo'on èdhi djhoeghǎ ka towan Kobǎsa, noro'a Eduard palèman, terro èn-maèna ḍă' Alice sareng Edith. Doe arè sabelloenna mangkat, sareng Eduard Oswald èsoro abǎlǎ ka tan-trètanna, djhǎ' bhǎdhi katamojana Patientia sareng Clara. Alice ladjhoe ala-ola djhǎdjhǎn ana-bǎrna bhǎdhi bǎ'-ambǎ'na tamojja.
Sareng ampon nattol ka bǎktona sè palèmana, Eduard, Patientia sareng Clara ladjhoe mangkat padă nompa' djharǎn. Sanattolla ka tjompo'na, Alice ngotja': Tjagher pèrakka kaoelǎ satrètan, opama sabbhǎn Eduard palèman, sampèjan rabue djhoeghan!"
Edith: „Pettètan sè èparengė sampèjau èngghǎrowa samangkèn padǎ luek-dhoeloek, amarghǎ sabbhǎn arè èsèram ghi' agghoe lem-malem."
