31
Edith: „Doe arapa maskè èghrama', tarma' la sakè'. Ghellǎ'
sèngko' ta' la akanḍhǎ, djhǎ' tja'na kètab Indjil: bǎ'na mon èdjhoe-
bǎ'i orèng bales belljè'."
Pablo: „Èngghi, parkara salana kaoelǎ njapora, dhinèng parkara sè njakar ampon marè èpokol."
Edith: „Djǎrèja njamana bănnè njapora."
Pablo: „Manabi sa panèka, sarrèna ampon kaḍhoeng, mon aghǎ- rǎma' polè saos èapora'a sareng kaoelă; ghellǎ' kalana aghărǎma', kaoelǎ tjè' pegghella, mèlana pas èpokol."
Eduard: „La dhina,ra, Edith, djhǎ' atjaka parkara djrèja, bhǎli' bǎ'- na ngapora'a salana Pablo, mè' dhǎddhi toladhǎn ka abǎ'na."
Sarrèna Pablo ghi' ta' onèng ḍǎ' djhălănna aghǎma sakonè'a, dhǎddhi Edith sẻ morok kalabǎn ghoe-ongghoe atè, katara ḍări ges- sana panèka. Djhoeghǎ Edith ta' talatèn kadhi Humphrey sareng Alice. Bit-abit Pablo ngartè djhoeghǎn ḍǎ' aghǎma dhǎddhiă ne'-sakoně.
Ella' tello arè Oswald ḍateng, èpakon ngonè'è Eduard sareng. towan Kobǎsa alas. Eduard sarrèna kalerressan taḍă' lakona, ladjhoe mangkat asareng Oswald nompa' djhǎrǎn. Toro' djhǎlǎn Eduard ngolja': „Panapa parlona kaoelǎ ètèmbhǎli?"
Oswald: Tjǎ' Patientia towan aparènga pangkat ka bǎ'na; towan ngarep bǎ'na mandhǎr ghellemma nampanè."
Eduard: „Manabi parkara èngghǎpanèka towan lakar ampon bǎdǎ dhǎboena djhoeghǎn ka kaoelǎ. Mongghoe ka sampèjan kadhi ponapa, mofakat ponapa bhoenten, kaoelǎ nampanè paparèng ghă- panèka."
Oswald: „Mon tja' sèngko' tampanè bhǎi; towan robăna la tjè' ngangghebbhǎ ongghoe ka bǎ'na. Parkara laèn arè bǎ'na arassa berrǎ', ijǎ amboe."
Eduard: „Dhǎddhi mon sapanèka sampèjan tjotjok sareng kaoelǎ; amargha manabi kaoelǎ dhăddhi Sèkretaris ampon tanto pas onèng ḍǎ bbǎr-kabhǎr sè lo-parlo."
Oswald: „Sang Radjhǎ bhǎ' ghi' djhoemennengnga polè?"
Eduard: „Kaoelǎ kan poron adjhǎlǎnè pangghăbăjăn angghǎpanèka èngghi sopadjǎ onènga terrang parkara èngghǎnèka polè."
Oswald: „Kèra sèngko' Sang Radjhă masè èngghǎl djhoemenneng polè, tjoma bilǎ-bilǎna ghi' ta' tanto; parkara rèja towan Heatherstone la tanto ngaghǎli terrang, sakèng ta' aboe-ḍhǎboe bhăi."
