29
malolo. Sanjatana bǎ'na èparèngè pangkat djǎrèja sasat ollè kanog-
grǎhǎn, molana bǎ'na bhoeḍhoe, mon ghi' njama nolaka."
Eduard: „Ija ella, sèngko' la ngartè ka kareppa bǎ'na djǎrèja, nangèng sèngko' aromasa ta' asangghoep sè adjhǎlănana pangghåbǎjǎn djǎrèja, karana orèng dhăddhi Sèkretaris rèja, lè', rè-saarè la nolès bhǎi, mangka tang kalakoan taḍa' laèn, kadjhǎbbåna sak-njarasak alas nèngghår kèbǎn. Molana bilǎ èkèr-pèkkèr bi' ongghoe, masè asennengngan abhåbhoeroe so dhăddhi mara djǎrèja."
Humphrey: „Doe marèna bă'na pas nolèsa samanè bǎrijă, Eduard. Endjǎ', rassa sèngko' bǎ'na la-kala èèdhinè so towan èntar abhǎbhoe- roe abhǎreng Oswald sarta bă'na pas ta' kobătèr èpatèana orèng bhǎngsana Corbould rowa. Polè rèja kodhoe pèkkèrè, Alice so Edith rèja, sang karep endjă' ta' èsoroa enneng ḍinna' bhǎi, krana bǎnnè ana'na rèng tanè. Lă, rèja apa tja'na bǎ'na, djhǎ' èpassra'aghia ka sapa, sabab bǎ'na satèja dhǎddhi ghǎntèna kai so Jakob. Bǎ'na mon băḍă dissa tanto ngennèng ngèstèjarè parkara djǎrèja. Endja'; Eduard, rassa sèngko' maskè njarèa sabhoemè alam, masè ta' nemmoa orèng kanṭa towan. Heatherstone rowa, pas bǎngal abherri' pangkat djărèja, sanaddjhǎn la kaprotangana sakalè. Marèna bǎrămma bǎ'na djrèja, ghellem apa endjǎ' adjhǎlǎnè?"
Eduard: Ija, la dhina, lè', la'-lèlla'an èlabǎna; mon kèra ta' senneng, sèngko' molèa polè."
Humphrey: „Lă, bărijă, ral mon ta' ghellemma bǎ'na apa ta' èman ka ana'na rowa? Endjǎ', Eduard, rèja' towana, mara apa sèngko' tao ngatèla' orèng ènga' Patientia djrèja."
Eduard: „Bǎ'na apa ghellem, lè', djhǎ' èpabinèana kana' djrowa?"
Humphrey: „Endjǎ' ta' polana djrèja sèngko' sè ngalem Patientia, tjoma marghǎ bettjè' tabi'atta. Ghi' Alice so Edith tjoma sakeddjhǎ' sè apolong la tao ngotja' kèja sarta la adjhin-djhåndjhin tè-ghǎntèa maènè. Ella mara ḍǎ'ija bhǎi: Patientia oboe bă na, sèngko' ngoboeǎ Clara."
Eduard: „ljă, lè', parkara djrèja bǎ'na tao bhǎi sè ngotja'a, nangèng apa kèrana sèngko' so ba'nabǎ'na èkenḍa'i, djhǎ' ana'na rèng dhisa rèja?
Nangèng endjǎ', sabǎb Cromwell so Parlemmèn ta' kèra marènta saterrossa, ngara sabelloenna bå'na ngennèng mèghǎ' djhǎrăn rowa, Sang Radjhǎ la djhoemenneng polè."
