,,Bhoenten, saeddjhegghă kaoelè ghi’ ta’ onèng abhăbhoeroe lem-malem”
,,Arapa’a bă’na lem-malem ma’ èntar ka alas; mohal mon taḍă’ă saddjhăna.”
,,Taḍa’, kaoelă namong èntar djăr-kalèndjăr, marghă atè sossa, ḍoe palèmanna pas posang.”
,,Se èkasossa bă’na apa?”
,,Nalèka bări’ kaoelă èntar ka Oswald, kalerressan pandjhennengngan raboe ḍări Londen, aparèng kabhăr, tja’èpon Oswald, manabi Sang Radjhă Karel èatorè raboe ḍă’ Schotland sareng rèng-orèng ka'issa. Kabhăr panèka sè masalsal pèkkèran kaoelă.”
,,Apa pangataona bă’na polè? Mara tjol-otjol, sengko' terro taoa sè terrang hal parkara rèja.”
Eduard pas akandhă ḍări asal molana sè apangghi sareng malèng, kantos ḍă' bekkasannèpon (kalagghoeănnèpon). Atorra Eduard pa-nèka ètolèsè sadhădjă sareng djhoertolès ghellă’, Sareng ampon marè pas èmaos polè sopadjă Eduard onènga, tjotjok bhoentenna sareng alorra, eduard pas èparèksa sareng djhoertolès onèng ta’ onèpgnga nolès,
Sambiddhă Eduard:,,Onèng goe'-kagoe’.” Sarta pas ngala’ kallam, terros nèken è dhăloebăng, sè èbătja djhoertolès, Djhoertolès ghetton nèngalè Eduard onèng nolès, pas ngotja’:,,Djha’ dhaddhi kènè’ atèna bă’na bhăi sèngko’ sè atanja tao ta’ taona nolès, sabăb loemrana orèng dhisa rèja ta’ tao nolès,”
,,o, bhoenten ta’ dhăddhi ponapa.” ,,Bă’na ghellă’ ngolja’, tja'na edijă bădă na’-kana’ lakè'na, băddă dimma satèja?” ,,Ampon bădă è tjompo’.” ,,Arapa bă’na ma’ pas băngal ngèbă kassa?” ,,sapanèka: Sabelloenna eppa’na kana’ ka’into adhingghal dhoennja, kaoelă ampon adjhăndjhi ngarabădhăna ana’na. Djhăndjhi panèka, ponapa polè ka orèng matè, kodhoe ètetteppè.” ,,Dhăddhi ba'na ghi' ngennèng atjatja so rèng towanakana’ rowa?!” ,,Bannè atjatja sapanèka, eppa’na kana’ ka’into abherri’ taudhă sareng tanangnga ka kaoelă, terrang djhă’ nètèppaghiă auna'na, sarengngan abă’na ngartè da’ otja’ kaoelă,”
