108
ka Oswald, djhǎ' bbǎkal datengnga; sèngko' sakeddjhă'ă bhǎi, amarghă èdinna' ghi' bǎnnja' èlakonana."
Humphrey atanja: „Apa sè èlakonana, Eduard?"
„Sèngko' ghi' terro abhoeroeă mandjhǎngan."
,,Bilă bă'na mangkata?” "
Mon taḍă' alangan, lagghoena; sang bheḍḍhil èkasèkeppa bhǎi, maskè ta' èbăghi so Oswald, sengko' me' ollè legger; sambhi'ǎnna sèngko tako' ètabǎng sapè alasan."
Humphrey: „ljǎ, sèngko' ta' njekkatana; dhina me' Pablo bhǎi long-nolongè sèngko' ngalè kentang. Mon Pablo djrèja la toman ala- lakon è tegghăl, sengko' pas aghăbăjǎ kebbhoenna ngan-ghǎnganan sarta terro maradjǎ'ǎ tang tana pagăndoeman, mè' ollè sadjăn bănDja' ollèna; dhiddhi'ǎ sennengnga dhoemèn sèngko' katekkan tao noto găndoem tanemman dhibi'."
Eduard:,,Marèna èḍimma se nemmoa nangghălǎ so djhărǎnna?”
Humphrey: „Ta' osa ngangghoej. nangghălă, lakonè so tanang bhai dhǎlloe; sapa sè ngangghoer djrèja soro alanḍoe'."
Eduard:,,La mara dhoeli lakonè bhai nèjatta bă'na djrèja, sabelloenna towan sè ngobăsanè alas raboe kanna'; mon saellana raboe, sèngko' kobǎtèr mè' pas ta' èparèngngaghi.”
Humphrey,,Apa, ta' èparèngngaghi? Apa tana rèja andi'na Parlemmèn, djhǎ' kaghoenganna Sang Radjhǎ rèja: băn polè sèngko' so bǎ'na sè enneng dinna' rèja ta' ella klabăn èdbina Sampèjan-dhălem Radjhǎ, me pas èlaranga bhǎi, băḍă apa. Nangèng ijă taḍǎ'djhoe- bǎ'na opama lalakon djrèja dhoeli èsambhoet."
Eduard: „Brămpa lapangnga tana sè èangghoejǎ djrèja?”
Humphrey:,,Kèra sèngko' doe H.A. (1) bhǎi la tjokop."
Eduard: ,,Wah, talebăr dhălloe, lè', djărèja ta' kèra marè èlakonè taon tèja sampè' taon dǎteng.".
Humphrey Ḍoe èkarapa, Eduard, tana djrèja so sèngko' èbhoe toka, tanto pas lebbi landhoe so sè èlowar paghăr; molana mastè èsana orèng djhă' la abit èpaghări.” "
Eduard: 0, djhoe tao mon ḍǎ'ijă. Sèngko', le', pattjoan, Pablo djăgă bi' bhender, sabab mara tang otja' ghi' endhengnga rowa, kana' djrèja bhǎngsana orèng sè ta' tao adhat tor ta' èkennèng partjadjǎ;
(1) H. A. Hectare.
