102
Ta' antara abit so kadoewă ampon nattol dă' kennengngan sè bănuja' sapèna. Èghika'jă Eduard sareng Humphrey nèngalè sapè apol-kompol, bannja'na ra-kèra 70 mègghi', radjǎ kènè.
Sareng djhăoena dă' kennengnganna sapè ra-kèra ampon karẻ 70 otabă 80 deppa, na'-kana' sè kadoewă ladjhoe ngèrrem èboedina bhoengkana ara ngèssè'è sanapanna. Pè-sapè lakè'na sè djǎ-radjă ngoblengngè pè-sapè laènna sambi aghǎmbi' rebbhă robăna adjăg㨠tako' me' băda lo'-ngalo'.
Eduard ngotja': Lè' Humphrey, sapè lake' rowa bhai tèngghăr, sabăb drèja sè lalodjă, laènna endjǎ'."
Humphrey: Madjoe semma'è sakone'agghi'; la djhă' lè-pèlè polè, sangennèngnga bhǎi la tèngghăr, djhǎ' dhăghingnga paḍă rèja nja- manna."
Eduard sareng Humphrey sadjan abit sadjăn semma', ta' abit ladjhoe ngaleng èboeḍina ka'-bhoengka’an; mèlaną na’-kana' sè̟ kadoewǎ ta' katon ka pè-sapè sè bănnja'.
Humphrey: Masè anjamanan, ta' akompol, Eduard, mara, băʼna meddhilă dări dinna', sèngko' dări ḍissa' dari kadjoeǎn rowa."
Eduard: „ljă, nangèng patè' rèja djhǎ' ghibă, lalodjǎ ka sèḍă, lè’.”
Humphrey ladjhoe arangka', èntar ḍǎ' kadjoeăn sè èkennengngana nènggbăr; djhǎoena dări Eduard ra-kèra băḍă 80 ḍeppa; Eduard ta' pegghǎ' sè mandheng da' ka alè'na. Ra-kèra bhoeroe ollè 40 deppa sè arangka', pas bădă sapè lake' sèttong njandher ka Humphrey, ngandoesa; djhoeghǎ kana' panèka ta' onèng, djhă bădă sapè njandher ka aba'na. Eduard pakèhoe, pèkkèrra:,,Pa, mon bǎrijă alẻ' dhǎgghi' ta' boeroeng matè èsodhoek sapè rowa, marèna bărǎmma sèngko' se atatolonga, èèra'a, tako' èkaèding sapè laènna, ètèugghǎră, tadjhǎoe dhălloe, tang sanapan ta' kèra dhoegghǎ."
Bekkasanna Eduard pas masang sapè lake' sèttong, sè ma'-semma'an ḍă' aba'na, djhoeghă serrèna tanangnga semino ngetter, dhăddhi sè nèngghăr ta' patè teppa' ongghoe, nanong loka bisaos, mèlana ghi' kèngèng boeroe èntar ḍă' reng-sarenguga. Nangèng radjǎ djhoeghǎn kaontonganna: sareng ngeding monjèna bheḍḍhil, sapè sè nabằng Humphrey amboe sakeddja', atolè ngabăs ka Eduard, ropana bhingong masè terrosa, masè abăliă; di-boedina terros djhoeghǎn nabǎng Humphrey, nangeng Ilumphrey ampon djhăoe. Ta' antara abit Humphrey ampon napa' ḍă' kadjoeăn sè ètoddjhoe sarta pas masang sapè
