This page has been proofread.
Pièi nous li croumpon i boutigo…
Quouro cuièn, dins li garrigo,
Lou vermé rouge ; quouro, i clar, anan pesca
De tiro-sang. La bravo pesco !
Pas besoun de fielat ni d’esco :
I’a que de batre l’aigo fresco,
L’iruge à vòsti cambo arribo s’empega.
Quouro cuièn, dins li garrigo,
Lou vermé rouge ; quouro, i clar, anan pesca
De tiro-sang. La bravo pesco !
Pas besoun de fielat ni d’esco :
I’a que de batre l’aigo fresco,
L’iruge à vòsti cambo arribo s’empega.
Mai sias jamai estado i Santo ?…
Es aqui, pauro ! que se canto,
Aqui que de pertout s’adus li malandrous !
Ie passerian qu’èro la voto…
Certo, la glèiso èro pichoto,
Mai quénti crid ! e quant d’esvoto !
— O Santo, grandi Santo, agués pieta de nous !
Es aqui, pauro ! que se canto,
Aqui que de pertout s’adus li malandrous !
Ie passerian qu’èro la voto…
Certo, la glèiso èro pichoto,
Mai quénti crid ! e quant d’esvoto !
— O Santo, grandi Santo, agués pieta de nous !
Es l’an d’aquéu tant grand miracle…
Moun Diéu ! moun Diéu ! quet espetacle !
Un enfant èro au sòu, plourant, malautounet,
Poulit coume Sant Jan-Batisto ;
E d’uno voues pietouso e tristo :
— O Santo, rendès-me la visto,
Fasié, vous adurrai moun agneloun banet.
Moun Diéu ! moun Diéu ! quet espetacle !
Un enfant èro au sòu, plourant, malautounet,
Poulit coume Sant Jan-Batisto ;
E d’uno voues pietouso e tristo :
— O Santo, rendès-me la visto,
Fasié, vous adurrai moun agneloun banet.
À soun entour li plour coulavon.
Dóu tèms, li caisso davalavon,
Plan-plan, d’eilamoundaut, sus lou pople agrouva ;
E pas-pu-lèu la tourtouiero
Moulavo un pau, la glèiso entiero,
Coume un gros vènt dins li broutiero,
Cridavo : Gràndi Santo, oh ! venès nous sauva !
Dóu tèms, li caisso davalavon,
Plan-plan, d’eilamoundaut, sus lou pople agrouva ;
E pas-pu-lèu la tourtouiero
Moulavo un pau, la glèiso entiero,
Coume un gros vènt dins li broutiero,
Cridavo : Gràndi Santo, oh ! venès nous sauva !