Page:Mistral - Mireille-Mirèio (1861).djvu/420

........
........

Ai de farfantello ?
Qu’es ?… lou paradis ?
La glèiso grandis,
Un baren d’estello
Amount s’espandis !

O iéu benurouso !
Li Santo, moun Diéu !
Dins l’èr sènso nièu
Davalon, courouso,
Davalon vers iéu !…

O bèlli patrouno,
Èi vous, bèn verai !…
Escoundès li rai
De vòsti courouno,
O iéu mourirai !

Vosto voues m’apello ?…
Que noun vous neblas,
Que mis iue soun las !…
Mounte es la capello ?
Santo !… me parlas ?…

........
........